5 филмски атракции во Њујорк

Во Њујорк снимени се повеќе од стотина филмови и серии. Еве ви шанса да ги запознаете петте најважни места во Њујорк преку филмовите кои...

...на овие локации се снимани.

Ова се дел од локациите во Големото јаболко кои се речиси неизбежни како за посетителите, така и за филмаџиите:

1. The Adjustment Bureau – мостот Бруклин

Мостот кој ги поврзува Бруклин и Менхетен е еден од најголемите Њујоркшки симболи. Прошетката преку мостот овозможува одличен поглед на облакодерите и Њујоркшкиот финансиски центар, но не е за занемарување и самата конструкција на мостот кој е довршен далечната 1883 година. Долг е 1.825 метри, а преку него секој ден поминуваат околу 150.000 автомобили. Средишниот дел на мостот е резервиран за пешаци и велосипедисти.

2.  I Legend – Вашингтон Сквер Парк

Вил Смит во овој филм времето го поминува во паркот Вашингтон, кој се наоѓа во склоп на прекрасниот Гринвич Вилиџ. Паркот е од неодамна обновен за вртоглави $16 милиони долари. Најголем дел од зградите околу него му припаѓаат на Њујоркшкиот универзитет, а посебна атракција е триумфалниот лак изграден во чест на Џорџ Вашингтон. Паркот е средиште на културни збиднувања и омилено собиралиште на младите.

3. Умри машки 3 (Die Hard 3) – Централ Парк

Во Централ Парк снимени се преку стотина големи филмски сцени, а меѓу попознатите секако е оној во кој Брус Вилис прелетува со такси низ паркот како би стигнал до целта и би го спасил светот. Сепак, „белите дробови на Њујорк“ не се наменети за автомобилски трки, туку за спортски активности, концерти и мирни прошетки. Доколку имате време, истражете го помалку познатиот северен дел од оваа зелена оаза.

4. Црниот Лебед (Black Swan) – Линколн центарот

Иако поголемиот дел од сцените во оскаровецот Црниот Лебед се одвиваат помеѓу четирите ѕида на салата за балет, не се за потценување ни сцените снимени на отворено. Во склоп на Линколн центарот сместени се културни институции како операта Metropolitan, но и голем број други мали и големи театри и концертни сали. Шеталиштето и фасадата се исто така неодамна обновени.

5. Истерувачи на духови 2 (Ghostbusters 2) – Кипот на слободата

Разгледувањето на Њујорк не би било комплетно без посета на Кипот на слободата. Lady Liberty стои на истото место од 1886 година, а туристите можат да го разгледаат со тури со ботчиња. До 2012 година влезот во внатрешноста на кипот нема да биде дозволен поради реновирање.

Би можело да ве интересира:

14 дестинации во Европа погодни за меден месец во 2024 година Санторини е островскиот рај во Егејското море, па со оваа дестинација нема да по...

Уникатниот шарм на Нови Сад – градот кој со својата ведрина и питомост нуди неповторливо искуство Скоро и да не постои некој што го посетил Нови Сад, а не бил воодушевен од негов...

5-те најдобри места во Хрватска за летен одмор без гужва Хрватска, со своето неверојатно крајбрежје и кристално чистите води, долго време...

„Бев во Неи Пори овој јуни 2023, лежалка со кафе е 5 евра, морето е уште студено, но едно селце кое ... „Пријатно бев изненадена од ниската цена на вилата во која во престојував, од не...

Најубавите плажи за летување со мали деца на Халкидики, во околината на Кавала и на Тасос Плажите на трите краци на Халкидики, но и малите плажички на островот Тасос и во...

Низ објективот на инстаграмџиите: Мермерната плажа на Тасос е рај за сите сетила Глетката е неверојатна, а многумина се шегуваат дека треба да ја оставите оваа п...