Потпишана декларација за младинска одржливост!

Младинските организации Гоу Грин, АИЕСЕК, Младински Образовен Форум и Сојузот на Извидници на Македонија, во саботата потпишаа декларација...

...за младинска одржливост со која официјално ја изразуваат својата приклученост кон заедничко работење и меѓусебна поддршка за подигнување на свеста кај младите за одржливиот развој и заштита на животната средина.

Одржливоста претставува пресек на три димензии, економија, општество и животна средина, следствено вклученоста единствено во една област не се покажува како доволна и се наметнува потреба од интер-дисциплинарен пристап, соработка и знаење од различни области – истакна Антонио Јовановски, претседател на Гоу Грин.

Декларацијата беше потпишана на отворањето на семинарот “Платформа за младинска одржливост” каде што покрај претседателите на младинските организации, и Францускиот амбасадор како главен подржувач на иницијативата, имаше поздравен говор.

Семинарот беше посетен од 87 млади луѓе, средношколци и студенти од Скопје, Куманово и Тетово. За атмосферата на отворањето и семинарот може да ги погледнете фотографиите поставени на Фејсбук страната.