„Работата е работа, семејството е мир, некако уживам во сите процеси, и убаво ми е. Го правам тоа што го сакам, и не ми претставува притисок. Единствена мана е што не сум наспан“ - вели Таско за CRNOBELO.com.

„По еден период на „мрза“ сега сум повторно физички активна. Сѐ уште немам доволно кондиција за да го дадам максимумот, но со секој тренинг сѐ повеќе напредувам“ - вели Бубе Јаневска и ни ги откри тајните на својата убавина, стилот, негата на телото и лицето.

„На Моша мислам дека му е омилен дуетот со Калиопи, ама па му се свиѓа и ‘Еминем’ и ‘Госпоѓа Сара’. Не може ни он да се реши“ - вели за CRNOBELO.com Слаткар, кој денес (03.12) издаде нов албум, наречен „Одлични (5)“.

„Првата фигура беше модел на усни, која мислам дека и сега привлекува најголемо внимание, а признавам дека и мене ми е омилена. Ја правев неколку дена и иако не искочи идеална, баш таа ми е најдрага и после 5 години, сè уште има главно место на мојата тоалетна маса“, вели Стела, која изработува уникатни фигури од хартија.

„Болеста е многу непредвидлива и за неа се вели дека кога ќе почнеш да се опушташ, таа секогаш те потсетува дека е тука. Има денови кога едноставно не бидува, но мораш, нема откажување, си ја подместувам круната и врвам низ денот. Јас со мојата болест станав и мајка по вторпат на една прекрасна девојка“ - вели Бранкица од Пробиштип за CRNOBELO.com.

„Мартин знае дека приказната постои благодарение на неговото растење, на неговите прашања пред спиење, на сите оние мали моменти кога ми бараше да останам уште една минута покрај него. И пресреќен е!“, вели радио-водителката Зорица Николовска, чија прва сликовница беше промовирана вчера.

„Свадбата беше на плажата Потпеш во Охрид, а венчавката во црквата Св. Јован Канео. Татко ми, пак, имаше подготвено точка со бендот како изненадување за нас младенците и пред да отпее, рече: „Од оваа вечер, свадбите повеќе нема да бидат исти!“ Навистина беше посебна', вели Стефани од популарното „Дуо Дис“ за љубовта со сопругот Денис Мурат.

„На натпреварот за најдобар бариста се најдов случајно. Додека бев на смена дојде екипа од Lavazza да ја поправи машината за кафе. Еден од нив, кога ме виде како работам, ми понуди да се пријавам. Победив, а коктелот на база на кафе од следната година ќе се најде на нашето мени“, вели Блажо од Скопје за CRNOBELO.com.

Радиото „Урбан ФМ“ кое веќе неколку години зрачи македонска музика во етерот, неодамна ја смени програмската шема, па од понеделник до петок слушателите може да уживаат во емисијата „Урбан Бла Бла“, која се емитува од 12 до 14 часот.

„Ние внимателно ја дозираме комбинацијата од лекови – едни за да го исклучат чувството на болка, други за да предизвикаат длабок сон, трети за да ги релаксираат мускулите и да овозможат хирургот да работи. Будењето е постепено – прво пациентот почнува да дише самостојно, потоа постепено ја враќа свеста. Во моментите кога пациентот се успива или се буди, мозокот е во преодна состојба меѓу свесното и несвесното. Тогаш често излегуваат искрени, понекогаш комични зборови или реакции“ - вели за CRNOBELO.com д-р Бети Костадиновска, кардиоанестезиолог.

„Со Емче учевме во исто училиште. Бевме втора година и се загледувавме еден во друг. И дојде ситуација да ме поканат на нејзиниот роденден, мој другар ме викна да одиме кај неа, и некако тогаш се појави таа енергија меѓу нас, некоја хемија, која трае до денес“, вели Иџе за CRNOBELO.com за љубовта со сопругата.

„Сум станувал во 3 наутро за да ја успијам Дариа, сум ја носел Калиа во раце додека спијам стоечки. Со Дарин, кога беше мал, се борев со стравот да не го згрешам секој чекор, ама и со него бев рамо до рамо. Не секогаш можам да бидам присутен, ама кога сум - тогаш сум целосно таму“, вели шеф Никола, кој има син и две ќерки.

„Срцето ни пее и душата ни игра кога се спремаме за секој нов настап, а и на секоја проба, секако“, ни раскажува Славица Илиевска Мијалов, која доаѓа од Радовиш, но веќе 10 години работи и живее во Кремсмунстер, Австрија.

„Првото кафе го правам сам дома пред да излезам за на тренинг. Во последно време се трудам да не пијам повеќе од 3 кафиња дневно и после 6 попладне не пијам кафе. Не ми смета кофеинот, но мислам дека за мене е најдобро по 6 саат да престанам“, вели Столе Димитриевски за CRNOBELO.com, кој е огромен вљубеник во кафето.

„Прво нè запозна нејзината сестра, а потоа се сретнавме случајно на еден од мостовите на Вардар, буквално на средина. Потоа почнавме да се слушаме и гледаме редовно - таа доаѓаше во Скопје, јас одев во Охрид и нашата врска со секое ново видување стануваше сè поцврста“, раскажува Маријан Стојаноски за љубовта со сопругата Наташа.

„За време на Формула 1 викендот во Абу Даби ќе имаме 4 настапи. Во текот на овој викенд на истата сцена ќе настапат и артисти од други музички правци, како Кети Пери, Пост Малоун, Калвин Харис и уште многу други. Музичката програма ќе започне со настапот на Тревис Скот“, велат близначките The Geors за CRNOBELO.com.

„Јас и Басил се запознавме во Хонгконг пред четири ипол години, онлајн.  После една година почнавме да живееме заедно, а набрзо потоа и вдомивме две кучиња. Басил ме побара за жена пред две години во викендицата на моите во Кучково“, вели Теодора Нарашанова (31) од Скопје за CRNOBELO.com.

„Во Градскиот парк возам лонгборд, одмарам, се дружам. Обично секојдневно сум кај Вело кафе, пуканките на Мрки и Скуб сладоледот. Од пред некое лето добив на поклон хамок и сега многу често во топлите денови слушам музика и уживам во крошните од дрвјата“, вели Зоки Бејбе во рубриката „За мојот роден град“.