Бабица - Соновник - најобемниот македонски соновник | Sonovnik - CRNOBELO.com


Бабица

Term Main definition
Бабица

За слободните брак, за венчаните деца, за старците болест; откривање тајна; ако сте бабица: се мешате во туѓи работи; непозната: следува весел настан; ако ја викате: наскоро ќе одите на повојница.

Што значи да сонувате бабица?

Гледате бабица во сон

Кога лицата кои не се во врска сонуваат бабица, тоа означува дека наскоро ќе најдат партнер со кого ќе се венчаат. Ви претстои познанство со некој кој ќе ве одушеви и набргу ќе сфатите дека сте создадени еден за друг. Ќе донесете важна одлука преку ноќ и луѓето од опкружувањето ќе бидат изненадени бидејќи сте важеле за некој кој е противник на бракот.

Ако бабица во сон видат луѓе кои се во брак, тоа е знак дека ќе добијат дете. Во наредниот период ќе слушнете вест која ќе ве изненади, иако најверојатно ја очекувате. Ќе бидете пресреќни и многу брзо ќе започнете со избор на име и купување работи и играчки.

Кога старица сонува бабица, тоа предупредува на болест. Можно е дека ќе имате здравствени проблеми кои ќе бараат почести лекарски прегледи и посебен режим на исхрана. Ќе мора посериозно да ги сфатите предупредувањата што ви ги испраќа телото и да престанете со лошите навики.

Кога старци гледаат бабица во сон, тоа подразбира дека некој ќе ја открие нивната тајна. Нешто што долго сте го криеле ќе излезе на виделина и ќе ви биде непријатно поради тоа. На почеток ќе бидете тема на многу трачеви, додека со тек на време сите ќе заборават на тој немил настан. Генерално, реакциите нема да бидат страшни како што сте очекувале.

Да сонувате непозната бабица симболизира весел настан. Ќе имате можност да ги остварите плановите кои се поврзани за вашата работа. Ќе добите шанса да покажете што знаете и колку сте способни. Ќе го искористите тоа максимално по што ќе следуваат признанија и унапредување.

Да бидете бабица

Кога сонувате дека вие сте бабица, тоа значи дека се мешате во туѓи работи. Премногу ќе се занимавате со нешто што не е ваша работа и ќе ја губите залудно енергијата. На потежок начин ќе сфатите дека не можете да ги промените драгите луѓе и нивното размислување. Веројатно и погрешно ќе ве сфатат па вашите добри намери ќе бидат протолкувани како љубопитност и недостиг на сопствени грижи.

Да викате бабица

Ако во сон викате бабица, тоа укажува дека наскоро ќе одите на повојница. Веројатно ќе се породи ваша блиска пријателка. Тој настан ќе ве наведе да почнете да размислувате за семејство.

Запознавање бабица

Доколку сонувате дека се запознавате со бабица тоа значи дека немате доверба во блиска личност. Партнерот или добар пријател покажал некои свои особини кои не ви се допаѓаат. Дополнително ве разочарало тоа што сте мислеле дека добро го/ја познавате, но се испоставило спротивното. Сепак, не е во ред заклучоците да ги носите одеднаш, размислете добро за тоа како вие би се однесувале во негова/нејзина ситуација и дали би направиле поинаку. Не осудувајте, пред целосно да сфатите како тој/таа се чувствувал во дадениот момент.

Ако во вашиот сон некој друг запознава бабица тоа значи дека сте амбициозна личност. Подготвени сте да направите сè за да ја постигнете својата цел. На многумина вашето однесување и размислување не им се допаѓа, но тоа вас не ве допира. Понекогаш мислите дека сите се љубоморни на вас и на вашиот успех и дека поради тоа ви замеруваат за некои работи. Размислите дали е токму сè така бидејќи во спротивно би можеле да останете без блиските пријатели.

Разговарање со бабица

Сон во кој разговаате со бабица симболизира нов почеток. Можеби ќе одлучите да ја промените работата или местото на престој. Ќе сфатите дека целиот труд кој моментно го вложувате е залуден, и дека напредок и подобрување на финансиската ситуација не се наѕира. Затоа ќе направите рез кој долго го одложувате и ќе се одлучите да преземете ризик за своите постапки.

Доколку сонувате дека некој друг разговара со бабица тоа значи дека ќе слушнете добри вести. Некој кого го познавате ќе ви јави дека чека принова што многу ќе ве израдува.

Карање со бабица

Кога во сон се карате со бабица тоа подрзбира дека во блиска иднина ќе мора да влезете во жестока пресметка со колега или со член на семејството. Причина за таа расправа ќе биде недоразбирање. Ќе сметате дека неправедно ве обвинуваат за пасивност и дека не гледаат колку вие, всушност, се трудите. Некој ќе се обиде суптилно да ви покаже дека не сте направиле доволно за животот да ви биде поквалитетен. Вие тоа ќе го сфатите како критика и ќе се заземете за себе за конечно да му/ѝ покажете дека греши и го/ја спречите да ви се меша во животот и одлуките.

Доколку во сон некој друг се кара со бабица тоа значи дека околностите ќе ве натераат да арбитрирате во спор помеѓу две драги личности. Ќе се најдете во ситуација да мора да заземете страна што нема да ви биде ни малку лесно. Ќе се  плашите дека која било одлука би можела да ве чини пријателство со некого. Сепак, ќе ја сфатите својата задача, па дипломатски ќе го решите спорот.

Тепање со бабица

Ако сонувате дека се тепате со бабица тоа значи дека некој ќе ве присили на некоја постапка или одлука за која не сте сигурни дека е исправна. Можеби партнерот ќе смета дека треба да вложите пари во нешто за што сметате дека не е вредно. Ќе се обидете да му/ѝ објасните дека таа инвестиција не е исплатлива, но за да избегнете судир ќе се согласите на тоа. Последиците од погрешните одлуки ќе ги сносите двајцата.

Кога сонувате дека гледате како некој друг тепа бабица тоа симболизира загриженост за блиска личност. Можеби некој од вашата околина има здравствен проблем, а вие не знаете како да му/ѝ помогнете. Ќе мора да се помирите со тоа дека рацете ви се врзани и единствено што можете да направите е да бидете поддршка кога ќе затреба.

Убивање бабица

Сон во кој вие убивате бабица симболизира потиснат бес. Некој на јаве ве налутил, а во моментот не сте знаеле како да му одговорите. Се карате сами со себе и на ум ви доаѓаат сите зборови кои сте требале да ги кажете, а тоа не сте го направиле. Ќе мора да се помирите со тоа дека реакцијата ви била погрешна и да тргнете понатаму.

Доколку во вашиот сон некој друг убива бабица тоа значи дека ќе сведочите на голема неправда. Можеби ќе се најдете меѓу луѓе кои ќе донесат одлука важна за некој друг човек. Ќе сфатите дека таа одлука е погрешна, но ќе бидете во малцинство. Неправдата која заедно сте ја направиле кон некого ќе ве мачи некое време, па ќе се обидувате да ја исправите.

Бакнување со бабица

Кога сонувате каков било вид на интимен однос со бабица тоа значи дека сте незадоволни од својот сексуален живот. Можно е партнерот/ката да не ги задоволува вашите потреби или не покажува подготвеност да ви удоволи. Тоа сè повеќе ве фрустрира и се плашите дека ќе ја изгубите желбата за интимност со него /неа. Доколку тоа не го решите со разговор јазот помеѓу вас ќе се продлабочува од ден во ден.

Ако во вашиот сон некој друг бакнува бабица тоа подразбира дека сте љубоморни на нечиј живот. Веројатно личност од вашето опкружување живее онака како што вие сте замислувале. Сепак, наместо да завидувате, би можеле да побарате начин како да ја промените својата ситуација и конечно да бидете задоволни.

Дефиниција за бабица

Бабица е најчесто женско лице кое помага при породување и во почеток ѝ покажува на мајката како да се грижи за детето.

Најчитани неделава

sonovnik-sidebar.jpg