Банкет - Соновник - најобемниот македонски соновник | Sonovnik - CRNOBELO.com


Банкет

Term Main definition
Банкет

Љубов, среќа, изобилство во најблиската околина.

Што значи да сонувате банкет?

Ако сонувате банкет

Кога сонувате банкет, тоа може да има неколку значења. Веројатно ќе бидете поканети на важна прослава. Ќе запознаете многу влијателни луѓе и ќе остварите контакти што може да ви бидат корисни во иднина. Ќе ви биде важно да оставите добар впечаток и ќе се трудите да го испланирате секој чекор. Долго ќе размислувате за своето однесување, изразување и начинот на облекување.

Исто така, банкет е симбол на изобилство. Ќе бидете опкружени со успешни луѓе и искрено ќе се радувате на нивниот напредок. Ќе ги имате вистинските примери на кои можете да се угледате. Ќе ви се пружи прилика да учите од нив и да стекнете искуство што ќе ви биде од непроценлива вредност. Тие ќе го препознаат вашиот труд и ќе го наградат.

Третата можност е вие да организирате прослава по повод важен деловен потфат. Можно е да добиете унапредување, покачување или да преминете на подобро  работно место. Долго се надевавте на ваков исход и ќе сакате да прославите со сите што веруваа во вас и ве поддржуваа.

Ако сонувате банкет во својот дом

Ако сонувате банкет во сопствениот дом, тоа симболизира среќа и подобрување на финансиската ситуација. Стресниот период во кој сте се грижеле многу за парите конечно ќе заврши и ќе влезете во помирна фаза во која ќе се стабилизира вашиот личен буџет. Можно е работодавачот да ве награди со покачување или да  преминете на друго работно место со подобра плата. Во секој случај, ќе бидете малку поопуштени, па ќе ви тргне и на други полиња.

Доколку сте во брак или во врска, во текот на наредниот период можете да очекувате добра комуникација со вашиот партнер и поголема нежност. Ако, пак, сте сами, ваквиот сон значи дека конечно би можеле да сретнете некој што ќе ви одговара во целост.

Ако сонувате дека сте поканети на банкет

Кога сонувате дека сте поканети на банкет, тоа значи поголема парична добивка. Можно е да имате среќа во игри на среќа или да добиете некое наследство. Со оглед на тоа дека пари секогаш ви недостигаат, ќе ги искористите за да „закрпите дупки“. Размислете дали можеби е подобро да ги вложите во нешто поисплатливо.

Ако сонувате дека некој друг е поканет на банкет, тоа симболизира љубомора или завист. Во вашето опкружување постои личност на која многу ѝ пречи каков било успех што ќе го постигнете. Вие сте свесни за тоа, но се трудите да не обрнувате внимание на злобните забелешки. Тоа е можеби и најпаметната работа што можете да ја направите во таква ситуација.

Ако сонувате дека се подготвувате за банкет

Ваквиот сон значи дека во блиска иднина ќе доживеете интересна средба со личност од спротивниот пол. Можно е тој да ве маѓепса „на прва“ со својот став и харизма, па затоа ќе се трудите да поминете што повеќе време заедно. Нема да успеете да сокриете дека ви се допаѓа, па затоа може да наидете на осуда од околината, бидејќи веројатно станува збор за некој што е зафатен.

Доколку сте слободни, нема да се двоумите да му/ѝ се приближите, а доколку имате партнер можно е личноста да го направи првиот чекор. Со оглед на тоа дека ќе ја „изгубите главата“ за него/неа, нема да ви биде важно какви последици може да има тоа врз вашите животи.

Доколку сонувате дека некој друг се подготвува за банкет, тоа значи дека ќе слушнете добри вести. Можно е да ви јават дека сте примени на факултет или дека сте добиле работа. Во секој случај, ќе имате причина да славите. Потрудете се стравот од одговорност да не ве „парализира“ дури и пред да ја преземете работата.

Ако сонувате дека сте задоцниле на банкет

Доколку сонувате дека сте задоцниле на банкет, вашата потсвест ви кажува дека жалите за пропуштената прилика. Веројатно во минатото сте донесувале некои одлуки кои денес ви изгледаат лудо. Многу размислувате за тоа што би се случило ако тогаш постапевте поинаку. Тие мисли ве мачат веќе некое време, а единствениот начин да се ослободите од нив е да се свртите кон сегашноста и да започнете со планирање на иднината. Преболете ја таа рана така што ќе се впуштите во нов предизвик, бидејќи токму како што вели поговорката „за истурено млеко не се плаче“.

Ако сонувате дека некој друг доцни на банкет, тоа значи дека би можеле да дојдете  во судир со вашиот партнер, пријател или колега од работа. Причината за тоа, како и секогаш, ќе биде недоразбирање. Ќе мислите дека тој/таа го осудува секој ваш чекор, додека другата страна ќе смета дека ви прави услуга. Не очекувајте ниту овој пат да се разберете, затоа што едноставно сте различни типови на личности. Обидете се да се прифатите еден со друг со сите доблести и мани што ги поседувате. Само така комуникацијата ќе ви биде колку-толку нормална.

Ако сонувате банкет со многу храна и пијалаци

Кога сонувате банкет со многу храна и пијалаци, тоа подразбира многу позитивни промени. Конечно ќе направите нешто добро за себе. Промена на работа, место на живеење, па можеби дури и партнер ќе ви ја донесе потребната среќа и мир. Веројатно за таквите нешта долго и интензивно сте размислувале, а вашата одлука, каква и да е, позитивно ќе влијае на вашиот ум и тело. Конечно ќе успеете да ги занемарите сите стравови што ве спречуваат и едноставно ќе одлучите да бидете среќни.

Ако сонувате без храна и пијалак

Кога сонувате празни маси без храна и пијалак, тоа може да се протолкува на два начина. Во првиот случај, можно е да сте фрустрирани затоа што некој не ги исполнил вашите очекувања на приватен или деловен план. Тоа ви предизвикало многу незадоволство, па дури и бес. Од друга страна, банкет без храна и пијалак може да значи неуспешна деловна инвестиција, без разлика дали сте ги искористиле парите за купување акции или само сте купиле некој производ или услуга за која се покажало дека не вреди за парите.

Ако сонувате дека танцувате на банкет

Ако сонувате дека танцувате на банкет, тоа го симболизира стравот од реакцијата на околината на вашите одлуки и постапки. Што и да правите, обидете се да ја имате поддршката од блиските луѓе. Отсекогаш се плашите да не ги разочарате или засрамите. Таквиот став ве научил да бидете перфекционист, но исто така ви наметнал и голем товар што понекогаш е многу тешко да се носи.

Ако сонувате дека некој друг танцува на банкет, тоа значи дека ќе ја израдувате вашата сакана личност со своите дела. Веројатно ќе му/ѝ дадете нешто што ќе го/ја израдува многу.

Овие соништа можат да имаат поедноставно значење. Ако сте биле на банкет или допрва треба да го организирате, тоа секако ви оставило впечаток. Можеби сте уморни или собирате впечатоци, па затоа се одразува на вашата потсвест.

Дефиниција за банкет

Банкет или гозба е празничен ручек или вечера што обично се организира во чест на некого или на нешто.

Најчитани неделава

sonovnik-sidebar.jpg