Бар - Соновник - најобемниот македонски соновник | Sonovnik - CRNOBELO.com


Бар

Term Main definition
Бар

Сонувањето бар значи дека ве следат парични издатоци, загуби, трошоци.

Што значи да сонувате бар/ кафуле?

Сонување бар или кафуле

Ако сонувате бар, тоа може да има повеќе значења. Едно од нив се парични издатоци. Во наредниот период ќе трошите многу повеќе пари отколку што можете да заработите. Кога реално ќе погледнете, повеќето работи во кои вложувате или ќе бидат непотребни или нема да имате никаква корист од нив. Ќе сакате да се покажете пред друштвото и да го однесете во скапи ресторани и на други места за излегување. Можно е после ова расипништво да немате многу пари, така што и  пријатели ќе има помалку.

Втора можност е дека ќе позајмите пари некому кој лесно ќе ги потроши. Веројатно вашиот пријател ќе биде во тешка материјална состојба, па ќе му позајмите поголема сума пари. Вашите намери ќе бидат најдобри, но резултатот ќе биде спротивен на вашите очекувања. Постои можност дека ќе ги прокоцка парите или дека ќе ги потроши на некој друг порок. Ќе мора да се помирите со фактот дека парите повеќе нема да ги видите и да го убедите пријателот да побара стручна помош.

Следното значење е дека ќе излезете со друштво и ќе се забавувате. Веројатно со нетрпение го исчекувате викендот за да се опуштите и да заборавите на обврските што треба да ги завршите. Сакате да излегувате со пријателите и долго да ги прераскажувате возбудливите настани, кои се неизбежни во секое ваше излегување.

Купување бар

Ако сонувате дека сте купиле бар, тоа значи дека ќе остварите некоја желба за која мечтаете долго време. Веројатно сите „коцки ќе се наместат“, така без грижи на совеста ќе си дозволите некоја облека, работи или патување. Работите на финансиски план ќе дојдат на свое место, па ќе почувствувате дополнително олеснување.

Продавање бар

Доколку сонувате дека сте продале бар, тоа значи дека во иднина ќе мора да се откажете од нешто или од некого за кој многу се грижите. Ова ќе го сфатите како загуба, иако објективни околности довеле до тоа. Оние поемотивните поради тоа би можеле да паднат во депресија од која ќе им треба доста време за да извлечат.

Уништување бар

Кога сонувате дека уништувате бар, тоа подразбира дека ќе се скарате со драга личност. Ќе му/ѝ замерувате за неодговорност или за детско однесување. Ќе сметате  дека тоа што го прави не е соодветно за неговите/нејзините години и ќе се обидете да му/ѝ објасните дека тоа не е во ред. Сепак, нема да најдете заеднички јазик затоа што тој/таа тоа ќе го сфати како недобронамерна критика и „ќе ви удри против“.

Ако во вашиот сон некој друг уништува бар, тоа значи дека би можеле да се разочарате во пријател или колега од работа. Ќе сфатите дека веќе не го делите истото мислење и истите морални вредности за некои битни работи и ќе се запрашате дали тој се променил/а или отсекогаш бил таква личност.

Палење бар

Сон во кој вие ќе запалите бар значи дека лица блиски до вас ќе ви замерат за вашиот став за иднината. Веројатно сте личност која никогаш не планира однапред, па многумина добиваат впечаток дека живеете од денес за утре. Сметате дека тоа не е вистина, туку дека тоа е едноставно одбранбен механизам против суровата реалност. Не сакате да се грижите за работи што не можете да ги промените и се  трудите да го сочувате своето физичко и ментално здравје.

Доколку во вашиот сон некој друг се обидува да запали бар, тоа ја симболизира љубомората што некој близок на вас ја чувствува кон вас и вашиот живот. Можно е да сте му „трн во око“ затоа што живеете онака како што вам ви одговара и не се осврнувате што мисли околината за вашите постапки. Неговите/нејзините совети се често добронамерни, но понекогаш умее да претера, и одвреме-навреме ја чувствувате таа завист и љубомора. Обидете се да ги игнорирате злобните забелешки и трудете се да гледате на сето тоа рамнодушно.

Пиење во бар

Кога сонувате дека сами пиете во бар, тоа значи дека живеете во илузии. Можеби сè уште се надевате дека вашата среќа ќе падне од небото и дека одеднаш ќе станете богати и славни. Свесни сте дека многумина на тоа гледаат со сомнеж, но не ви е важно. Вие и понатаму терате по свое. Сепак, размислете на кој начин би можеле да ги остварите своите соништа за да бидат втемелени на стварноста.

Доколку сонувате дека со друшво пиете во бар, тоа подразбира дека ви недостигаат пријателите и семејството. Веројатно поради работата не стигнувате да се дружите со нив. Совеста ве гризе, но свесни сте дека мора да се откажете за утре да ви биде  подобро и полесно. Сепак, потрудете се да не ги пропуштите ретките моменти кога имате време да се дружите со најмилите, но едноставно немате волја.

Ако сонувате дека некој друг пие во бар, тоа симболизира осаменост. Веќе некое време немате партнер или партнерот поради бројни деловни обврски нема време да ви се посвети. Сето тоа ви пречи, но вие сте свесни дека во моментот не може да биде поинаку. Наместо понекогаш да му/ѝ се лутите што никогаш не е дома, потрудете се моментите кога сте заедно да ги искористите на најдобар можен начин.

Танцување во бар

Кога сонувате дека танцувате во бар со некоја личност од спротивниот пол, тоа подразбира сексуална неисполнетост. Можеби партнерот не ги исполнува вашите очекувања или веќе долго не сте имале интимни односи. Ваквиот романтичен сон најчесто е поврзан со некои скриени емоции. Можно е да се плашите да покажете слабост, па затоа тој страв сте го пренеле од јаве на сон.

Доколку сонувате дека сами танцувате во бар, тоа значи дека сте подготвени да направите многу жртви за да бидете успешни и среќни. Таа особина ве придружувала поголем дел од животот, а вашата упорност неретко е предмет на восхит кај луѓето што ве опкружуваат.

Сон во кој танцувате во бар со поголемо друштво значи дека сте носталгични за безгрижните денови од вашата младост. Веројатно често размислувате за тоа како сте го поминувале времето кога сте биле помлади, колку сте биле поспонтани и похрабри. Сепак, свесни сте дека сега е друго време и дека некои други работи ви се поголем приоритет од излегувањата и забавата.

Празен бар

Ако сонувате бар во кој нема луѓе, тоа значи дека некој ќе ги изневери вашите очекувања. Можеби вашиот шеф или работодавач ви ветил поголема плата или сте се надевале дека пријателите или колегите ќе ви помогнат околу работа или тежок испит на факултет, но тоа не се случило. Ќе сфатите дека во иднина ќе можете да се потпрете единствено на себе и на својот труд и работа.

Полн бар

Ако сонувате толпа во бар, тоа симболизира мачнина и грижа. Веројатно сте сфатиле дека нешто на што сметате нема да се одвива онака како што вие би сакале.

Сонување ноќен бар

Можни страсни моменти и на јаве, со луѓе со лесен морал.

Значењето може да биде и многу поедноставно. Ако неодамна сте биле во бар, сте разговарале за тоа со некого или сте го виделе бар на телевизија, тоа ви оставило впечаток кој од јаве сте го пренеле на сон.

Дефиниција за бар

Бар е угостителски објект во кој луѓето доаѓаат да слушаат музика, да играат, да пијат или да јадат нешто.

Најчитани неделава

sonovnik-sidebar.jpg