Библија - Соновник - најобемниот македонски соновник | Sonovnik - CRNOBELO.com


Библија

Term Main definition
Библија

Непријатна вистина за вас што другите ви ја премолчуваа: веселба, радост во куќата;

Што значи да сонувате Библија?

Ако гледате Библија во сон

Кога сонувате Библија, тоа укажува дека ќе бидете соочени со непријатна вистина што другите ја криеле од вас. Можно е родителите да ве штителе премногу и да не дозволувале луѓето околу вас да ве погледнат попреку, а камоли да ве критикуваат. Иако имале најдобри намери, честопати нивниот начин на воспитување ви создавал повеќе проблеми отколку корист.

Ќе дознаете нешто што тие се труделе да го сокријат од вас и ќе ви биде тешко. Веројатно станува збор за коментарите на вашите пријатели кои не им се допаднале или за тајната поврзана со вашето раѓање.

Што и да произлезе дека означува сонот, вие и понатаму ќе ги сакате и вашите родители, само ќе ви биде жал што немале доволно доверба во вас дека правилно ќе реагирате на тоа сознание.

Ако сонувате дека ја читате Библијата

Ако во сон ја читате Библијата, таа симболизира веселба. Веројатно ќе слушнете вест која ќе ве израдува и која ќе бара да започнете со планирање и организирање   прослава. Ќе сакате што подобро да ги запознаете обичаите за да ја испочитувате  традицијата.

Алтернативно толкување: Кога сонувате дека ја читате Библијата, тоа симболизира мир во душата. Можно е порано да не сте имале таква потреба за верата, но како што одминува времето, најмногу ќе барате утеха во неа.

Таа ќе ви помогне да ја разберете смислата на животот и со леснотија да се справите со сите животни ситуации.

Ако купувате Библија

Кога сонувате дека купувате Библија, тоа е знак дека болниот наскоро ќе оздрави. И покрај лошите прогнози, не сте ја изгубиле надежта дека некој од вашето семејство ќе се опорави. Покрај лековите, сите сте се распрашувале и за други методи на лекување од кои верата ќе ви помогне најмногу.

Ако продавате Библија

Ако во сон продавате Библија, тоа означува напредок во кариерата. Ќе се изборите за подобра позиција и поголема плата така што ќе се согласите на разни компромиси. Често ќе имате чувство дека се изневерувате и дека повеќе не сте доследни на принципите што порано ги следевте.

Другите ќе зборуваат како вашиот живот е совршен и како имате сè, но само вие ќе ја знаете колкава е цената на таквиот успех.

Ако подарувате Библија на свештеник

Сонувањето дека сте подариле Библија на калуѓер, ве предупредува да внимавате на змии. Како на животните, така и оние во човечки облик. Некој ќе се обиде да ве искуси за да ви напакости. Ќе мора да покажете огромна ментална сила за да одолеете на нешто што ве привлекува, но е забрането и штетно за вас.

Ако пишувате Библија

Ако сонувате дека вие ја пишувате Библијата, тоа подразбира дека сакате да промените нешто во својот живот. Ова се однесува на радикална промена која би можела да влијае и на други луѓе. Затоа ви е тешко да донесете одлука и да го претворите својот план во дело.

Доколку, пак, сонувате дека некој друг пишува Библија, тоа укажува на фактот дека сте биле изгорени многу пати во животот поради наивност и дека сега сте многу внимателна и прониклива личност. Со луѓето кои штотуку влегуваат во вашиот живот вие сте на дистанца сè додека не се покаже дека го заслужуваат вашето внимание.

Дури и со оние што ги сакате понекогаш не сте целосно искрени. Постојат работи во вашиот живот што не ги споделувате со никого затоа што единствената личност во која целосно верувате сте самите вие.

Ако добиете Библија на подарок

Доколку сонувате дека сте добиле Библија на подарок, тоа значи дека конечно ќе сфатите дека многу работи се случиле со причина. Ќе престанете да се обвинувате себеси и другите за несреќите што сте ги преживеале и за предизвиците со кои моравте да се борите. Блиските пријатели ќе ви помогнат да научите да го цените она што го имате и да се трудите секој ден да бидете подобри кон себе и кон другите.

Ако изгубите Библијата

Ваквиот сон укажува на потребата за внимание и нежност. Ако сте во врска или брак подолго време, можно е односите со партнерот да не се на завидно ниво. Ви се чини дека тој/таа повеќе не се грижи за вас и дека не би се потресол/ла многу кога би ве изгубил/а.

Можно е тоа чувство да не е втемелено на вистински факти, туку на перцепција што ја проектирате затоа што сте осамени. Доколку сте сами подолго време, недостигот на внимание и нежност е сосема природен. Можеби треба да ја спуштите скалата на очекувања за да пронајдете сродна душа.

Ако пронајдете Библија

Кога сонувате дека сте пронашле Библија, тоа значи дека пред вас е убав период. Добро ќе се согласувате со домашните, а нема да има многу проблеми ниту на работа. Конечно ќе можете да се опуштите и да се одморите. Можеби ќе одлучите да одите на излет или кратко патување со драга личност.

Ако искинете Библија

Доколку сонувате дека сте искинале Библија, тоа подразбира каење за некој грев од минатото. Обидете се вниманието и енергијата да ги насочите кон позитивни работи, бидејќи на тоа што некогаш сте го направиле веќе никако не можете да влијаете.

Ако, пак, некој друг во вашиот сон искинал Библија, можно е блиска личност да крие нешто од вас. Одлучил/а тоа да ви го премолчи, затоа што се плаши од вашата реакција.

Ако палите Библија

Кога сонувате дека сте запалиле Библија, тоа укажува на грешка што сте ја направиле на јаве, а која сакате да ја скриете или да им ја припишете на другите. Се плашевте дека тоа би можело да влијае на вашиот професионален, емотивен или социјален живот, па затоа решивте да ја префрлите одговорноста на другите.

Доколку во сон видите дека некој друг пали Библија, тоа значи дека ќе ве заболе неправдата. Можно е некој друг да преземе заслуги за работата што сте ја направиле вие или работодавачот ќе одлучи наместо вас да го награди вашиот колега. Ќе бидете разочарани поради тоа, затоа што ќе се сметате дека повеќе од тој /таа сте заслужиле да бидете награден.

Ако видите Библија во пламен

Ако видите во сон како гори Библија, тоа подразбира дека ќе се најдете во многу непријатна ситуација. Нема да знаете како да реагирате и ќе се плашите да донесете одлука. Дополнителен проблем е тоа што нема да имате кого да прашате за совет, туку ќе мора да се потпрете на сопствената интуиција.

Значењето на сонот може да биде поедноставно. Доколку неодамна сте виделе, сте купиле или сте читале Библијата, тоа сигурно ви оставило впечаток.

Дефиниција за Библија

Библија или Светото писмо е света книга на христијаните која се состои од Стариот и Новиот завет.

Најчитани неделава

sonovnik-sidebar.jpg