Добивање на подарок: ненадејна добивка, радост. Губење: лоши вести.

Што значи да сонувате бисери?

Ако видите бисер во сон

Ако во сон видите бисер, тоа симболизира радосна вест. Ќе имате убави настани на љубовен план и можно е партнерот да ве запроси. Иако тоа е логичен развој на настаните, ќе бидете изненадени и воодушевени од изненадувањето што ќе ви го приреди.

Веднаш ќе започнете да бирате венчаница, ресторан, покани и други детали за да имате доволно време да ја испланирате вашата свадба од бајка.

Доколку сте слободни, бисерите се знак дека наскоро ќе сретнете некој што ќе ве чува и почитува како највредна скапоценост.

Ако сонувате дека сте добиле бисер на подарок

Кога сонувате дека сте добиле бисер на подарок, тоа симболизира ненадејна добивка. Можно е да добиете наследство многу порано отколку што очекувавте.

Срцето ќе ви биде полно кога ќе видите дека вашето семејство секогаш се грижи за вас и се труди да ви обезбеди добри услови за живот. Тоа ќе ви помогне да ја решите материјалната состојба и да вложите пари во нешто што ќе се исплати повеќекратно во иднина.

Ако некому подарувате бисер

Доколку сонувате дека некому сте подариле бисер, тоа значи дека имате чувства кон личност што не ви е достапна. Можно е да станува збор за колега од работа кој е во долга врска или брак.

Во последно време се фативте како размислувате за него/неа. Свесни сте дека би било погрешно да го направите првиот чекор и затоа оваа „љубов“ ќе остане платонска.

Меѓутоа, ќе мора да бидете многу внимателни ако не сакате другите да забележат дека чувствувате повеќе од пријателство кон него/неа.

Ако изгубите бисер

Сонувањето дека сте изгубиле бисер предупредува на лоши вести. Можно е да мора да се разделите од некој кој ви значел. Во почеток тоа нема да можете да го прифатите, но ќе увидите дека немате друг избор. Доколку таа личност патува во странство, тоа не мора да биде крај на вашата врска или пријателство.

Ако станува збор за раскинување, вие ќе ја идеализирате таа личност и ќе мислите дека никогаш нема да најдете некој како него/неа.

Ако нижете бисери во сон

Кога во сон нижете бисери, тоа значи дека ви претстои поволен период. Ќе имате успех на сите полиња и секоја одлука што ќе ја донесете ќе го има посакуваниот исход. На работа ќе ве ценат вас и вашето мислење, одлуките и советите ќе имаат тежина што ја заслужуваат. Ќе ве сметаат за скапоцени како бисер.

Партнерот ќе ве поддржи и ќе има разбирање за вашите обврски. Може да се каже дека наредниот  период ќе биде совршен за вас.

Ако сонувате дека продавате бисери

Ако сонувате дека продавате бисери, тоа подразбира дека нема да знаете да го цените партнерот. Ќе бидете во врска со личност која е премногу внимателна и грижлива што вам нема да ви се допадне.

И покрај тоа што сите ќе ви кажат дека имате совршен партнер, вие едвај ќе чекате да го оставите.

Ако пронајдете бисери во сон

Кога сонувате дека сте пронашле бисер, тоа значи дека треба да бидете внимателни во комуникацијата со луѓето што ги сакате. Понекогаш сте многу нервозни и тоа го префрлате на партнерот или членовите на семејството, дури и без да размислувате како тие се чувствуваат поради тоа.

Колку и да мислите дека нема да ви замерат, не е во ред да ги повредувате со своите зборови. Ќе мора конечно да сфатите дека целиот свет не се врти околу вас.

Ако сонувате дека купувате бисери

Доколку сонувате дека купувате бисери, тоа укажува на чувството дека сакана личност не ви ја возвраќа љубовта во онаа мера колку што вие би сакале. Сметате  дека вие повеќе вложувате во таа врска и почесто му/ѝ давате на знаење колку го/ја сакате.

Од друга страна, ви се чини дека вашиот партнер почесто влегува во дискусии со вас отколку што би бил подготвен да поработи на проблемите што ги имате во моментов.

Ако сонувате бисерни обетки

Бисерните обетки во сон симболизираат измама. Можно е да се сомневате во верноста на партнерот или да се плашите дека деловен соработник може да ја изневери вашата доверба. Во секој случај, ќе настојувате да откриете за што станува збор. Меѓутоа, бидете внимателни затоа што би можеле да обвините невина личност.

Ако сонувате бисерен ѓердан

Бисерен ѓердан во сон значи одлично здравје. Можеби сте имале некои здравствени проблеми во минатото, но моментно, и што е уште поважно, во иднина ќе се чувствувате одлично. Ќе имате доволно енергија за сè и ќе уживате во секоја работа што ја прифаќате. Немојте да се зачудите ако луѓето често ви кажуваат дека „блескате“, затоа што ќе изгледате многу здраво, среќно и задоволно.

Ако сонувате бисерна нараквица

Бисерна нараквица во сон укажува на тоа дека во последно време го привлекувате вниманието на спротивниот пол, многу повеќе од порано. Забележувате дека луѓето повеќе ви приоѓаат и дека добивате многу комплименти почесто отколку порано. Едноставно зрачите со позитивна енергија и ако барате партнер, вистинско време е да се покажете во „полн сјај“.

Ако сте зафатени, не „наседнувајте“ на ласкања, освен ако не сакате да ја загрозите својата врска или брак.

Ако сонувате прстен со бисер

Бисерен прстен во сон значи дека ќе ви се пружи одлична можност да заработите пари. Добрата вест е дека ова е „чиста работа“, така што ризикот е многу помал. Не двоумете се да ја искористите таа шанса.

Ако сонувате црни бисери

Црните бисери во сон имаат многу позитивно значење. Тие симболизираат благосостојба во бизнисот, финансиите и љубовта. Во блиска иднина, сите „коцки ќе ви се наредат“ и вашиот живот ќе изгледа точно онака како што сте замислиле.

Меѓутоа, мора да бидете многу внимателни, да не носите избрзани одлуки што би можеле да резултираат со целосен хаос. Внимавајте кому се доверувате.

Ако сонувате сини бисери

Синиот бисер во сон ја симболизира потребата за напредок. Се наоѓате во фаза кога  полесно учите и имате многу волја и енергија да стекнете нови знаења и да започнете нови работи. Можно е да одлучите да се запишете на курс за странски јазик или да одлучите да ја насочите својата енергија кон стекнување знаење од областа на интернет, информатика или маркетинг. Во секој случај, го одбравте вистинскиот момент и трудот може да се исплати ако сте снаодливи и мудри.

Ако сонувате розови бисери

Розови бисери укажуваат на невозвратена љубов. Можно е да ви се допаѓа личност која не покажува слични чувства кон вас. Сè уште се надевате дека ќе го/ја освоите, но шансите се сè помали.

Ако сонувате црвени бисери

Овој сон е предупредување за опасност. Време е да се погрижите за вашето здравје.

Значењето на сонот може да биде поедноставно. Ако неодамна сте добиле, сте купиле или сте носеле бисери, тоа сигурно ви оставило впечаток.

Дефиниција за бисери

Бисер е творба на бисерните школки.