Гледање: неуспех во потфатот што сте имале намера да го направите; фрлање: деловен успех, ненадејна радост; ранет од бомба: ненадејна загуба; ако експлодира: неочекуван настан.

Што значи да сонувате бомба?

Соништата за бомби можат да имаат многу различни значења, во зависност од контекстот во кој се одвива сонот и чувствата што го придружуваат.

Да видите бомба во сон може да укажува на тоа дека во реалниот живот нешто премолчувате и дека сте на работ да „експлодирате“. Од друга страна, можеби сте толку лути на некого што работите достигнале „точка на вриење“.

Ако во сон видите бомба

Ако во сон видите бомба, тоа предупредува на неуспех во деловен потфат. Иновациите што планирате да ги воведете нема да наидат на очекуваната реакција. И покрај вашиот труд, нема да можете да ја предвидите секоја ситница што може да придонесе за негативни резултати. Можно е другите да ве предупредат на последиците, но вие ќе бидете убедени во исправноста на вашите одлуки.

Ако сонувате дека фрлате бомба

Кога сонувате дека фрлате бомба, тоа симболизира радост. Веројатно ќе соопштите  или ќе ви биде соопштена вест што ќе одекне како експлозија на бомба. Се работи за значаен настан како што е свадба, бременост или слично. Оваа церемонија ќе сакате да ја прославите на најдобар можен начин и наскоро ќе започнете со подготовки.

Ако сонувате дека ве ранила бомба

Сонувањето дека ве ранила бомба симболизира ненадејна загуба. Ќе се најдете во чудо кога ќе сфатите дека врската, во која сте вложиле многу, е завршена. Сè ќе се случи брзо, така што нема да ви бидат јасни причините за таквата ненадејна и драстична одлука што ќе ја донесе партнерот.

Ќе се обидете да ги решите недоразбирањата со разговор, но нема да успеете затоа што другата страна нема да вложи никакви напори.

Ако во сон гледате експлозијата на бомба

Доколку во вашиот сон експлодира бомба, тоа означува неочекуван настан. Можно е да запознаете некој што ви бил многу важен во минатото. Мислевте дека вашите чувства за личност не постојат, но повторната средба само ќе разгори страсти.

Ќе сфатите дека не сте рамнодушни, затоа сериозно ќе размислите дали сакате и дали е добро за вас да се вратите на стариот пат.

Ако загинете од бомба во сон

Ако сонувавте дека сте загинале од бомба, тоа укажува на голема количина стрес што ја доживувате поради проблеми во семејството или на работа. Во тој контекст, ваквите соништа ја симболизираат потребата за ослободување. Веројатно копнеете за тоа некој друг да се грижи за вас и за вашите проблеми.

Свесни сте дека тоа е невозможно, но тоа не ве спречува да размислувате како би ви било полесно во животот кога други би носеле важни одлуки.

Ако некој друг загинал од бомба во сон

Доколку, пак, сонувате дека некој друг е загинат по експлозијата на бомба, тоа значи дека сè уште не сте ги санирале раните од минатото. Можеби некој ве повредил или сте доживеале многу непријатни моменти и не можете да се ослободите од сеќавањето на тоа, без оглед колку време поминало.

Тоа ве спречува да ја планирате иднината и да размислувате за сегашноста. Време е да разговарате за своите  проблеми со некој кому му верувате или да побарате стручна помош. Вака ќе останете заробени во „маѓепсан круг“ и нема ни да забележите колку време сте изгубиле.

Ако сонувате темпирана бомба

Кога во сон ќе видите часовник како отчукува на бомба пред експлозија, тоа значи дека пред вас е турбулентен период кога станува збор за емоциите. Ќе ви треба многу трпеливост и мудрост за да излезете од таа фаза без лузни. Луѓето кои се во брак или во долга врска би можеле да се најдат пред предизвикот дали да му простат неверство на партнерот или да ја прекинат врската.

Од друга страна, ако сте биле подолго време сами, можеби ќе сретнете некој кој ќе ви се допадне, но ќе се плашите да започнете нешто поради неговото/нејзиното бурно минато. Ќе мора да сфатите што сакате и дали сте навистина сте вљубени во таа личност или станува збор за моментална занесеност.

Ако купувате бомба

Ако сонувате дека сте купиле бомба, тоа укажува на незадоволство од вашиот приватен живот. Можеби не ви се остварија желбите или плановите и сте разочарани од себе. Се плашите дека доцните за многу работи и дека повеќе немате време да го постигнете она што го сакате.

Проблемот е во тоа што немате мотивација. Најдобро би било кога накратко би се посветиле на други работи и да си дозволите „регенерација“.

Ако продавате бомба

Кога сонувате дека продавате бомби, потсвеста ве предупредува дека премногу се обидувате да им го наметнете своето мислење на другите. Факт е дека имате многу животно искуство што сакате да го споделите со оние што ги сакате, но почнавте да претерувате.

Дозволете секој да учи од своите грешки и совети делете само кога некој од вас ќе го побара тоа. Во секој друг случај, ќе изгледате наметливо, а на многумина тоа многу им пречи.

Ако подарувате бомба

Доколку сонувате дека некому сте подариле бомба, тоа симболизира љубомора или завист. Можно е колега на работа да напредувал повеќе од вас, а сметате дека тој не го заслужил тоа. Време е да започнете да гледате во „својата чинија“ и да барате начин да ги остварите своите планови, наместо да им завидувате на другите. Ако не се трудите, не можете ни да очекувате дека утре ќе ви биде подобро.

Ако добиете бомба на подарок

Сонувањето дека некој ви подарил бомба обично значи дека имате покрај себе некој  кој не ви посакува добро. Поминувате многу време со личност која се претставува како ваш пријател, но неговите/нејзините намери не се целосно искрени.

Бидете внимателни со кого разговарате за своите проблеми, желби и планови, бидејќи тоа може да ви се удри од главата.

Ако правите бомба

Кога во сон правите бомба, тоа значи дека сте на работ да се откажете од нешто со што моментално се занимавате, бидејќи се сомневате во успехот на тој потфат. Можно е да вложувате многу енергија во работа што не ви носи профит или сте започнале сопствен бизнис и се плашите дека нема да успеете. Добрата вест е дека ова е само минлива фаза предизвикана од несигурност и дека сигурно ќе најдете мотивација да го реализирате тоа што го сакате.

Ако во вашиот сон некој друг прави бомба, тоа значи дека сте храбра и упорна личност која цврсто верува во своите ставови. Не може да ве поколеба мислењето на околината, ниту, пак, малите препреки на кои наидувате на патот кон својата цел. Оваа особина може многу да ви помогне во вашиот понатамошен живот.

Нуклеарна бомба

Нуклеарна бомба во сон укажува на големо изненадување што нема да биде најпријатно за вас. Обично се однесува на деловниот живот.

Ако сонувате бомбардирање

Кога сонувате бомбардирање, тоа значи дека во моментов сте многу збунети и не знаете што сакате од својот живот. Причините можат да бидат различни, а оваа состојба најчесто настапува по големо емотивно разочарување или неуспех на работа или факултет.

Значењето на сонот може да биде поедноставно. Ако неодамна на телевизија сте слушнале вести поврзани со бомби или сте гледале филм на оваа тема, тоа сигурно ви оставило впечаток.

Дефиниција за бомба

Бомба е експлозивна направа која ослободува енергија преку деструктивен шок на бранови.