Очекувај подобри денови; зелен: брз успех; исушен: болест, неуспех.

Што значи да сонувате бор?

Ако сонувате бор во шума

Кога сонувате бор во шума, тоа симболизира подобри денови. Наскоро повеќето од вашите проблеми ќе исчезнат и животот ќе тргне по текот кој вам ви одговара.

Ќе ги вратите кредитите и долгови што ве оптоваруваа. Ќе имате понуда за работа што ќе биде подобра од моменталната. Со партнерот ќе се согласувате убаво и заедно ќе донесувате одлуки што се однесуваат на вашата врска или семејство.

Ако сонувате зелен бор

Ако сонувате зелен бор, тоа означува брз успех. Претпоставените ќе ве забележат и преку ноќ ќе напредувате на подобро работно место, кое бара повеќе одговорности, но дава поголеми шанси за усовршување. Доколку имате приватна фирма, ќе потпишете договори кои ќе ви донесат голема корист.

На факултетот успешно ќе ги положите испитите и полека ќе започнете да размислувате за дипломската работа.

Ако сонувате исушен бор

Сонувањето исушен бор предупредува на болест. Ќе се чувствувате лошо и нема да имате сила за секојдневни активности. Можно е да се работи за настинка, па одмор ќе биде неопходен. Ќе мора да ги одложите обврските и да ги решите здравствените проблеми за да немате последици.

Ако сонувате борови покриени со снег

Ваквите соништа асоцираат на зимските празници, топлината на домот и носталгијата за детството. Доколку долго не сте минале време со семејството, веројатно сте го пренеле она што ви недостасува на јаве во сонот. Можеби неодамна сте преживеале некои тешки моменти, па имате потреба да поминете што повеќе време со оние што ги сакате.

Ако гледате врвови на борови во магла

Ако сонувате дека во далечина гледате врвови на борови во магла, тоа значи дека сте личност која многу фантазира. Си поставивте некои нереални цели, а вашите желби често ги надминуваат вашите можности. Без оглед колку другите да тврдат дека вашето однесување е детско, во иднина би можеле да ги убедите во спротивното бидејќи некои од вашите желби би можеле да станат реалност.

Ако шетате во борова шума

Доколку сонувавте дека шетате во борова шума, тоа значи дека многу ви е потребен одмор. Можно е во последно време многу да сте работеле и не стигнувавте да се наспиете и одморите. Повеќе од сè потребен ви е мир.

Затоа, потрудете се да одвоите малку време за себе. Одете на масажа или на час по јога, ако не можете да бидете далеку од работа долго време. Ќе бидете многу попродуктивни ако направите кратка пауза.

Ако трчате низ борова шума

Кога сонувате дека трчате низ борова шума, тоа подразбира дека треба да обрнете повеќе внимание на своето здравје. Време е да престанете да ги игнорирате симптомите што ги имате и да се фокусирате на она што би требало да ви биде најважно во животот. Изговорите дека се плашите или немате време паѓаат во вода, доколку се сметате за одговорна личност.

Ако седите под бор

Ако сонувате дека седите под бор, тоа значи пред вас е еден многу мирен период. Сите турбуленции ќе ве заобиколат некое време, па конечно ќе можете да одморите и да уживате во животот. Вашето здравје и материјална состојба ќе се подобрат, додека на љубовен план сè уште ќе постојат недоумици.

Ако сте во брак или во долга врска, може да започнете да ги преиспитувате сопствените чувства. Доколку  моментално сте сами, овој тивок период ќе ви донесе здодевност.

Ако лежите или спиете под бор

Кога сонувате дека лежите или спиете под бор, тоа укажува на успех во работата или на училиште/факултет. Вашиот труд и упорност конечно ќе ви се исплатат и ќе сфатите дека жртвувавте многу слободно време со добра причина. Сега ќе можете да уживате во плодовите на својата работа.

Претпоставeните би можеле да ве наградат со зголемување на платата, и доколку сте уште на факултет, добрите оценки би можеле да ви „отворат простор“ за сигурна работа по дипломирањето.

Ако се качувате на бор

Сонувањето дека се обидувате да се качите на врв на бор укажува на емотивни  проблеми. Лицата кои се во брак би можеле да се соочат со предизвиците на опстанок на таа врска. Најверојатно станува збор за недоразбирање или недостиг  на комуникација. Она што е исклучено е дека на вашата врска може да влијае некоја трета личност. Ако навистина не можете да ја замислите својата иднина со партнерот, време е да свртите нова страница во животот.

Ваквиот сон може да симболизира и караница со многу тврдоглава личност. Некому ќе мора да изнесете многу аргументи за да ги прифати вашите идеи. Можни се несогласувања на работа.

Ако садите борови

Ако во сон садите бор, тоа значи дека размислувате за промена на работното место или местото на живеење. Можеби сте се заситиле од средината во која живеете или вашата моментална работа ве исцрпува. Постои можност да прифатите работа во странство. На почеток ќе имате многу предизвици, но со текот на времето ќе сфатите дека сте ја направиле вистинската работа.

Ако сечете борови

Доколку сонувате дека сечете борови, тоа значи дека ќе се жртвувате за пријател или член на семејството. Вие сте по природа многу чувствителна и апатична личност и честопати туѓата среќа е поважна за вас отколку сопствената. Тоа ќе се покаже во ситуација кога ќе ја преземете вината за погрешна постапка на блиска личност врз себе. Иако нема да очекувате или да барате, тој/таа ќе умее да ви се оддолжи за сè што сте направиле.

Ако, пак, во вашиот сон некој друг сече борови, тоа значи дека во блиска иднина ќе ви се укажат нови видици. Ќе дојдете на идеја да започнете сопствен бизнис или да го направите хобито во кое уживате ваш главен извор на приход.

Ако палите борови

Кога сонувате дека палите борови, тоа подразбира дека ќе мора да преживеете многу потешкотии и да се соочите со бројни промени за да ги остварите своите цели. После тој тежок период ќе сфатите дека сте станале личност каква што отсекогаш сте сакале да бидете.

Ако во сон гледате како други палат борови, тоа значи дека сте загрижени за  саканата личност. Веројатно некој кој ви е близок се соочува со сериозни здравствени проблеми. Вие ја префрливте таа грижа од јаве на сон. Ќе се потрудите  да направите сè што е во ваша моќ да му/ѝ помогнете или барем да ја олесните ситуацијата во која се наоѓа.

Ако сонувате борови иглички

Боровите иглички во сон симболизираат мир и благосостојба. Наскоро би можеле да влезете во мирна фаза од својот живот. Можеби ќе се соочите со некои проблеми, но ќе знаете како да им пристапите.

Ако сонувате плодови од бор (шишарка)

Ако во сон видите шишарка, тоа значи дека поради работата или факултет ќе мора да го смените местото на живеење.

Значењето на сонот може да биде поедноставно. Ако неодамна сте биле во сенка на борови или сте користеле производ од ова растение, тоа сигурно ви оставило впечаток.

Дефиниција за бор

Бор е род на четинари од семејството Pinaceae.