Црви - Соновник - најобемниот македонски соновник | Sonovnik - CRNOBELO.com


Црви

Term Main definition
Црви

Ако видите црви на сон тоа значи дека завидливите луѓе се обидуваат да ви го загорчат животот.

Што значи да сонувате црви?

Иако црвите не ги сонуваме често, спаѓаат во доволно чести соништа и затоа зафаќаат посебна страница на нашиот сајт. 

Ако видите црв на сон

Ако видите црв на сон тоа предупредува дека некој ќе се обиде да ви ги расипе плановите. Во вашето опкружување има луѓе кои ви завидуваат на постигнатото. Иако отсекогаш сте се труделе да им помогнете, нема да се радуваат поради вас, бидејќи едвај ќе чекате да најдат причина да го дискредитираат вашето мислење.

Шефот ќе ги препознае нивните лоши намери и ќе застане на ваша страна за да ве заштити.

Ако убивате црви на сон

Ако сонувате дека убивате црви тоа значи дека ќе се соочите со себеси. Кога ќе започнете нешто да правите, вие брзо се откажувате од страв дека нема да успеете во тоа. Негативните мисли лесно ве колебаат и убедуваат дека е најдобро и најпаметно да се откажете.

Тешко се одлучувате да ја напуштите комфорната зона што придонесува да се чувствувате несреќно. По вашиот пример се гледа точноста на изреката дека најголемиот успех е да се победите себеси.

Ако некој друг убива црви

Ако во вашиот сон некој друг убива црви тоа значи дека ќе мора да го одложите патувањето во кое многу сте се радувале.

Негативните околности нема да ви дозволат да одите на тоа патување. Ќе бидете разочарани бидејќи конечно сте нашле време и пари да си ја исполните желбата, но свесни сте дека не сте имале голем избор туку да се откажете од својот план.

Ако сонувате дека ви излегуваат црви од уста, нос, уши

Се наоѓате пред период на непотребна депресија. Таа депресија дури ќе ви влијае врз здравјето и односите со блиските луѓе. Би требале да размислите за годишниот одмор ако премногу работите или да повеќе да се посветите на работата ако премалку работите.

Ако некому му излегуваат црви од уста

Доколку сонувате дека некому му излегуваат црви од уста или нос тоа имплицира дека ќе се одмаздите на непријателот за злото кој ви го сторил. Конечно ќе му покажете како сте се чувствувале кога ви ја направил штетата. Меѓутоа, одмаздата нема да ви донесе задоволство кое сте го очекувале.

Ако пронајдете црв во јаболко

Кога сонувате дека сте пронашле црв во јаболко, тоа означува дека ќе се држите до етичките начела. За вас е многу поважен квалитетот од квантитетот и тоа е принцип кој секогаш го почитувате. Најголемо внимание им посветувате на деталите што често наидува на критика и на несфаќање.

Ако барате црв во храна но не го наоѓате

Се обидувате да пронајдете проблем онаму каде што го нема во врска со одредени нешта. Единствениот проблем е во вашата глава и додека не се стабилизирате можен е конфликт околу ситуацијата.

Ако барате црви во храна и ги пронајдете

Ќе се обидувате да пронајдете проблем во врска со некои неодредени нешта. Проблем има, но не наоѓате начин како да го откриете и да докажете на другата личност.

Ако ловите со црви

Ако ловите со црви, тоа означува дека некои ваши одлуки во животот ќе се покажат добри и успешни. Ако размислувате и се грижите за нив тоа е потполно безпотребно.

Ако сонувате црвлива риба

Ќе бидете виновни за нешто што не сте го направиле, можеби потекло на некој трач. Сите ќе го вперуваат прстот кон вас. Нема да знаете како да се извлечете, а со оправдувањата само ќе се закопате.

Најдобро би било да не реагирате бидејќи ситуацијата со текот на времето ќе се отплетка и ќе се открие вистинскиот виновник.

Ако сонувате црвливо овошје или зеленчук

Брзо ќе пребродите некоја криза во секојдневниот живот.

Ако сонувате црвливо место

Ќе надминете некоја криза во реалниот живот, но не брзо и ефикасно.

Ако јадете црви или сте изеле црв

Несвесно ќе ги победите завидливите лица. И не размислувајќи ќе им одржите лекција за пријателството и за животот. За жал некои од нив тоа ќе го доживеат лично и ќе останат навредени и иако не сте имале намера да им паметувате или да им возвратите со лутина на нивната љубомора.

Ако некој друг јаде црви

Кога сонувате дека некој друг јаде црви тоа значи дека со своето однесување ќе повредите личност која ја сакате. Со оглед на тоа дека во последно време сте преосетливи нема да имате слух за добронамерните совети и критики, па во некои ситуации можеби ќе изреагирате бурно на нив.

За да не се каете подоцна, потрудете се да се контролирате на време.

Ако чувствувате како црви ви лазат по тело

Материјалниот свет не е толку важен колку што мислите, некои нешта кои сакате да ги добиете или ги имате се преценети и неважни. Сонот може да означува несигурност и потаен страв од нешто на јаве.

Стравот може да биде оправдан или неоправдан од зависност на ситуацијата во реалноста.

Ако повратите црв

Ако на сон повраќате или сте повратиле црв, ви претстои кавга со луѓе кои не ги поднесувате. За жал секој контакт со нив нема да можете да го избегнете, а немате обврска ниту моќ да префрлите на некого.

Постои веројатност дека се ќе им кажете во лице. Сепак, и да го направите тоа нема да има никакви последици.

Ако некој друг повраќа црви

Доколку видите на сон дека некој повраќа црви тоа претставува предупредување дека е крајно време да посетите лекар. Долго време чувствувате необични симптоми, но вашата мрзеливост ве спречува да закажете преглед. Веројатно станува збор за некој вирус, но тоа не значи дека треба да си поставите дијагноза и препишете лекови.

Ќе морате поодговорно да се однесувате кон своето тело за да не зажалите поради сопствената немарност.

Ако сонувате црви во измет

Ви претстои полесна болест која сепак би требало да ја контролирате со заминување на лекар, чисто да се осигурате да не дојде до можни компликации.

Ако сонувате црвени црви

Црвени црви на сон претставуваат дека некој проблем успешно ќе го решите.

Ако сонувате жолти црви

Жолти црви на сон претставуваат дека постојат луѓе кои ви љубоморат на вас, на вашата работа, на  целите вас во суштина.

Ако сонувате бели црви

Бели црви на сон значат добивка, успех во земјоделство ако се занимавате со тоа.

Ако сонувате зелени црви

Новиот пријател е се уште зелен за да му се доверите. Не барајте од новиот пријател нешто што не би го сториле ниту вие за него.

Ако сонувате црни црви

Црни црви означуваат краток период на незадоволство во врска со вашиот живот. Сепак, ќе сфатите дека не е толку тешко како на некои ваши пријатели. Значењето може да биде поедноставно. Ако пред скоро време сте виделе црви, тоа сигурно ви оставило впечаток.

Дефиниција за црви

Црви се повеќеклеточни животни кои имаат меко тело, немаат коски, а се движат со ползење.

Најчитани неделава

sonovnik-sidebar.jpg