Дебел човек - Соновник - најобемниот македонски соновник | Sonovnik - CRNOBELO.com


Дебел човек

Term Main definition
Дебел човек

Дебел маж на сон значи мрзеливост, дебела жена значи дека комшиите ве озборуваат, дебео дете значи дека ќе имате многу деца.

Што значи ако сонувате некого кој е дебел?

Ако сонувате дебел маж

Ако на сон видите дебел маж тоа значи дека сте мрзеливи. Често ви се случува обврските да не ги исполните на време и да очекувате другите да го сторат тоа за вас.

Таквото однесување може да ве доведе до кавга со колегите и членовите на семејството кои вашата заборавност ја поистоветуваат со безобразност и нема да имаат разбирање кога навистина ќе бидете спречени да го направите она што ви го довериле.

Ако сонувате дебела жена

Кога сонувате дебела жена тоа укажува дека комшиите ве озборуваат. Можеби се љубопитни бидејќи не сакате да откривате детали од вашиот живот, ниту пак ве интересира ширењето трачеви за други луѓе.

Поради недостатоци во сопствениот живот и податоци кои би им помогнале во формирање на мислење, ќе бидат убедени дека нешто криете и поради тоа избегнувате да се дружите со нив.

Ако сонувате дебело дете

Ако сонувате дебело дете тоа имплицира дека ќе имате многу деца. 

Тие ќе ви бидат најголемото богатство во животот и се што ќе направите ќе биде со намера да им обезбедите убава и сигурна иднина. Ќе ви биде жал да се задржите на едно или две деца, па ќе настојувате да има повеќе членови во семејството.

Ако си дебел на сон

Доколку сте дебели на сон тоа е предупредување дека треба да внимавате на здравјето. Веројатно сегашната работа изискува да седите осум или повеќе часа дневно и тоа лошо влијае на вашата половина и на линијата.

Би требале да одвоите време за вежбање и за подготовка на здрава храна бидејќи ќе се чувствувате подобро и ќе имате помалку проблеми во староста.

Толкувањата зависат од чувствата кои ги предизвикува прекумерната тежина.

Ако сонувате дека сте среќни што сте дебели тоа симболизира дека ви недостасува самоконтрола. 

Вие вложувате максимум во она што го работите. Тоа е сјајна особина, но истата се пренесува на останатите аспекти од вашиот живот.

Затоа често правите нешта кои не се добри за вас. Можеби јадете нездрава храна или дозволувате пороците да ви го уништуваат здравјето.

Можеби јадете нездрава храна или дозволувате пороците да ви го уништуваат здравјето. Сепак, не се каете бидејќи тоа е еден вид на хедонизам во кој уживате.

Ако на сон сте несреќни поради прекумерната тежина тоа значи дека се чувствувате беспомошни во врска со некој проблем.

Можно е обврските да ве преоптовариле и не можете да ги завршите сами. Побарајте помош од блиски луѓе, никој нема да одбие да ви се најде при рака.

Ако сонувате дека разговарате со дебела личност

Ако сонувате дека разговарате со дебела личност потсвеста ви говори дека сте требале да го прифатите добронамерниот совет.

Некој ќе ви укаже на грешките кои ги правите за да почнете да се поправате. На прв поглед ќе ви изгледа како непотребно мешање во вашиот живот, но ако подобро размислите, ќе увидите дека е во право.

Сон во кој некој друг разговара со дебела личност е показател на вашата несигурност и недостаток на самодоверба. Можеби некои успеси ве демотивирале до таа мера што тешко се одлучувате на следниот чекор во животот или во кариерата. Обидете се да го надминете тоа преку вежби за стекнување самодоверба или на лист хартија напишете си ги вашите доблести и маани. 

Ќе видите дека првата колона е подолга од втората.

Ако сонувате дека се расправате со дебела личност

Кога на сон се расправате со дебела личност тоа симболизира ментална изолација. Можно е да се обидувате да се заштитите од негативни ситуации и луѓе така што поставувате бариери.

Тешко ви е да склучите нови пријателства токму од причина што сте издигнале ѕид околу себе кој ретко кој може да го прескокне. Така испуштате прилика да ве запознаат луѓе од кои би можеле да научите многу нешта.

Ако сонувате дека некој друг се расправа со дебел човек тоа значи дека носите некој емоционален товар. Можеби ги криете чувствата кон некоја личност, без разлика дали се добри или лоши. Време е да се ослободите од товарот и да почнете да дишете со полни гради.

Ако сонувате дека се тепате со дебела личност

Ако на сон се тепате со дебела личност тоа значи дека ве гризе совеста бидејќи сте биле себични. Сигурно сте се однесувале недолично кон некого или сте го навредиле со своето однесување или зборови.

Можеби не сте имале таква намера, но навикнати сте себеси да си се ставате на прво место. Ако не сакате оваа појава да се зачестува потрудете се да го промените ставот кон луѓето кои имаат вишок килограми.

Можеби понекогаш се прашувате како може човекот да биде толку дебел. Немате многу разбирање и проблеми со гојазност не ги доживувате како нарушување туку како недостаток на контрола.

Ако сонувате дека се криете од дебел човек

Овој сон има повеќе значења. Едното од нив е дека на јаве познавате лице со вишок килограми и сте загрижени за неговото/нејзиното здравје. Сигурно сте се обидувале да му/и помогнете, но не можете да допрете до него/неа.

Морате да се помирите со тоа дека ви недостасува искуство бидејќи никогаш не сте се нашле во таква ситуација. Сепак, покажете му/и дека ја има вашата поддршка.

Доколку во ваш сон некој друг се крие од дебела личност тоа значи дека ќе ве погоди неправда или дискриминација.

Можно е со група на луѓе да одлучувате за нечија судбина. Мнозинството ќе донесе одлука која ќе биде неповолна за него/неа. Затоа ќе барате начин сами да помогнете.

Ако сонувате дека сте убиле дебела личност

Кога сонувате дека сте убиле дебела личност тоа укажува на потреба да се ослободите од некое бреме што сте го носеле. Можеби сте презеле некоја одговорност на себе и се плашите дека не можете да се носите со тоа.

Обидете се да разговарате со некого за тоа, веројатно ќе наидете на разбирање. Не двоумете се да побарате совет од домашните, пријателите или колегите од работа.

Ако на сон видите дека некој убил дебела личност тоа значи дека ќе запознаете некого кој ќе ве заинтригира со својата мистериозност.

Ќе настојувате да допрете до него/неа за да можете поубаво да го запознаете, но нема да ви оди од рака.

Вашата љубопитност ќе расте од ден на ден, па не е исклучено ниту дека со текот на времето ќе се заљубите во оваа личност.

Значењето може да биде поедноставно. Ако порано сте биле гојазни или се обидувате да ослабнете некој килограм, тоа сигурно ви оставило впечаток.

Дефиниција за дебелина

Дебелина или гојазност е хронична болест која се манифестира со наталожени масти во организмот и зголемување на телесната тежина.

Најчитани неделава

sonovnik-sidebar.jpg