Дезертер - Соновник - најобемниот македонски соновник | Sonovnik - CRNOBELO.com


Дезертер

Term Main definition
Дезертер

Ако сонувате воен бегалец тоа може да биде предупредување дека ќе ве снајде срам поради кукавичлук, размисли пред да донесеш одлука.

Што значи ако сонувате дезертер?

Доколку на сон присуствувате на апсење на дезертер или воен бегалец тоа значи дека некој ви завидува на она што сте го постигнале во животот. Веројатно имате прекрасен однос со партнерот и членовите на семејството или работите работа во која уживате.

Иако многу тврдат дека се среќни поради вас, ги има и оние на кои ваша среќа им е „трн во око“. Обидете се да ги занемарите нивните провокации и не дозволувајте да влијаат на вашите чувства.

Ако сонувате дека сте дезертер

Своеглави сте и имате свое мислење. Сепак, тоа не е залудно бидејќи обично сте во право. Луѓето би требале повеќе да ве ценат и подобро да ги препознаваат вашите вредности.

Ако видите дезертер

Некого од пријателите или познаниците не ги цените доволно. Неговото мислење често е точно, но и покрај тоа вие го игнорирате.

Ако сонувате дека му помагате на воен бегалец

Кога сонувате дека му помагате на воениот бегалец тоа значи дека нема да обрнувате внимание на туѓо мислење. Веројатно ќе ја поддржите личноста која сите ја напуштиле.

Ќе му/и се најдете во тешки моменти поради што ќе ви биде благодарен/благодарна. Може да се случи да се прошири лош глас за вас поради дружба со него/неа.

Ако сонувате дека критикувате воен бегалец

Ако на сон критикувате воен бегалец тоа имплицира дека ќе бидете погрешно сфатени. Можеби од најдобра намера ќе посоветувате некого што да направи.

Тој/таа ќе го сфати тоа како мешање во интимата и ќе ве замоли да не му/и се плеткате во неговиот/нејзиниот живот.

Ако сонувате дека апсите воен бегалец

Кога сонувате дека апсите воен бегалец тоа порачува дека ќе се најдете во непријатна ситуација.

Може да се случи некого да отпуштите или да одбиете личност која ви се додворува. Ќе се трудите да му го соопштите тоа на убав начин и да избегнете непријатности.

Ако сонувате дека судите воен бегалец

Овој сон е предупредување да престанете да ги критикувате другите поради нештата кои и самите ги правите. За себе секогаш ќе најдете оправдување, додека на другите им замерувате за секоја ситница. Со таквото однесување само ги одбивате луѓето од себе, па тие се поретко ви ги доверуваат тајните.

Ако на сон присуствувате на  воено судење на воен бегалец тоа значи дека премногу сте наивни. Сметате дека сите луѓе се добри и не ви посакуваат зло.

Дури и кога ќе произлезе дека не сте биле во право, наоѓате причина да оправдате нечии лоши постапки. Убаво е да се биде алтруист, но не дозволувајте поради тоа да ве злоупотребуваат или понижуваат.

Ако сонувате дека се расправате со воен бегалец

Кога на сон се расправате со воен бегалец тоа значи дека би требале да внимавате што зборувате. Веројатно во присуство на погрешни луѓе ќе кажете некои зборови кои нема да му/и се допаднат.

Ќе стекнат впечаток дека сте озборувач/ка, без оглед на тоа дека не сте имале лоши намери. Затоа, внимавајте кога, кому и што зборувате кога сте во друштво на луѓе кои не ги познавате.

Доколку во ваш сон некој друг се расправа со воен бегалец тоа е предупредување да не избегнувате конструктивни расправи. Ако постојано ги поддржувате мислењата и ставовите на другите, без разлика дали се сложувате или не, константно ќе бидете незадоволни.

Меѓутоа, ако не застанете на своја страна и аргументирано изнесете зошто сте во право, не само што ќе ве ценат другите, туку и самите ќе се гордеете на себе.

Ако сонувате дека се тепате со дезертер

Ако на сон се тепате со воен бегалец тоа имплицира дека ќе ја презирате неправдата. Вие сте личност која се труди со сите да има коректен однос. Чесноста ви е на прво место.

Тоа е особина која ја поседувате и која им е важна на другите луѓе. Ако видите дека некој се обидува да му наштети некому, во состојба сте да се побуните, дури и по цена на вашата сигурност.

Кога сонувате дека други се тепаат со дезертер тоа значи дека ваша тактика да избегнете конфликт ќе вроди плод. Ќе се обидете да не реагирате на провокации или навреди и да не влегувате во расправа со другите. Тоа ќе го направите затоа што сакате да се ослободите од негативните емоции кои честопати ве преплавуваат.

Тоа ќе ви биде еден паметен и делотворен потег, па ќе се обидете да ги убедите и останатите да ја следат вашата тактика.

Ако сонувате дека сте раниле воен бегалец

Доколку сте раниле дезертер додека се обидувал да побегне тоа укажува на чистките кои ќе ги направите во вашиот живот. Прво ќе се ослободите од штетните навики, а потоа и од луѓето кои негативно влијаат врз вашето расположение.

Животот дури тогаш ќе ви стане поквалитетен, а ако продолжите да работите на тоа, во блиска иднина ќе ги почувствувате сите благодети кои сте ги внеле во животот.

Сон во кој се обидувате да му помогнете на ранет бегалец значи дека вашата храброст и пожртвуваност ќе бидат наградени. Ќе се осудите да направите нешто кое другите нема да смеат да го направат, па ќе ви се восхитува целата околина.

Ќе добиете и признание за доброто дело.

Ако сонувате дека сте убиле воен бегалец

Овој сон ја означува потребата на сите да им ја кажете вистината во лице. Можеби постојано се стегате за да не му соопштите некому нешто непријатно, бидејќи се плашите дека ќе го повредите. Затоа често премолчувате пред да го изговорите она што ве мачи.

Колку подолго се однесувате вака толку ќе расте незадоволството во вас. Нема од што да се плашите ако ја говорите вистината, затоа еднаш пресечете и кажете им на сите што им следува.

Ако на сон видите мртов дезертер тоа значи ќе направите нешто против својата волја. Можеби ќе и помогнете на личноста која некогаш ве повредила, но само затоа што ќе ве замоли некој друг.

Сепак, ниту ќе го заборавите ниту простите гревот, туку само ќе се потрудите да излезете човек.

Најчитани неделава

sonovnik-sidebar.jpg