Значи дека ќе доживеете некоја непријатност, страв на јаве.

Што значи да сонувате дива свиња или вепар?

Дива свиња или диво прасе или див вепар е многу редок поим во соновите.  Статистички гледано почесто го сонуваат мажи отколку жени. Еден од поимите е каде постои одредена група на луѓе кои не би требале да го толкуваат сонот, а тоа се ловџиите, кога некој кој е ловец сонува диви свињи, сонот нема значење.

Кај останатите толкувањето на сонот зависи од контекстот во кој се одвиваат, како и од деталите и чувствата кои ги следат.

Во текот на сонот може да почувствувате паника, страв, возбуда, па дури и бес, но дивите свињи на сон ретко имаат потполно негативно значење.

Ако сонувате диви свињи

Ако на сон видите дива свиња, тоа симболизира неправди на јаве. Можеби сте дошле во судир со некој кој се однесува непристојно и на сила сака да ви ги наметне своите ставови и мислења. Не сте навикнати да бидете во друштво на такви луѓе, но нема да можете да го одбегнете.

Ќе дадете се од себе да се воздржите и да останете рамнодушни на злобните коментари, особено ако се работи за лице кое има поголем авторитет од вас.

Ако сонувате дека диво прасе ви е домашно милениче

Кога сонувате дека дива свиња ви е домашно милениче, тоа укажува дека не им робувате на стереотипите. Секогаш се трудите да бидете оригинални и никого да не го осудувате поради неговата приказна.

Можеби околината смета дека сте чудни бидејќи одбивате да бидете дел од масата, туку настојувате да се издвоите на некој начин од останатите.

Ако сонувате дека ве брка вепар

Ако сонувате дека ве брка вепар тоа имплицира дека ќе бидете во опасност. По природа сте авантурист и живеете за ситуации од кои ви се крева адреналинот. Ретко планирате, туку едноставно се препуштате на ситуацијата и моменталната инспирација.

Семејството веројатно ви врши притисок да се уозбилите и да се „приберете“, но тоа никако не ви е во план, барем не засега.

Ако сонувате младенче на дива свиња – прасе

Доколку на сон видите дива свиња и нејзино младенче тоа значи дека ќе започнете хуманитарна акција за да помогнете некому. На телевизија ќе видите тажна животна приказна која ќе ве мотивира да се ангажирате за да помогнете на семејство или на поединец.

Ќе вложите многу време и труд, но нема да се покаете.

Ако сонувате дека храните диви свињи

Ако на сон храните диви свињи тоа значи дека финансиската состојба во иднина ќе ви се поправи. Можеби ќе успеете да заштедите нешто или да се почестите со она што долго сте го мечтаеле. Веројатно нема да стекнете некое огромно богатство, но ќе имате онолку колку што ви е потребно.

Ако некој друг храни диви свињи во ваш сон тоа укажува на проблем со законот.

Можеби несвесно ќе направите некој сообраќаен прекршок и ќе ви стигне казна на домашна адреса. Немојте да се обидувате да докажувате дека не сте виновни, бидејќи судските трошоци ќе ве чинат повеќе од самата казна. Платите и следниот пат бидете внимателни.

Ако сонувате дека ве нападнала дива свиња

Овој сон може да има повеќе значења. Ако на сон се браните од диви свињи тоа ја симболизира вашата храброст и подготвеност да се соочите со проблемите и предизвиците во животот.

Од друга страна, овој сон е предупредување да се вардите од агресивни луѓе. Би можеле да станете жртва на нечиј бес ако се најдете на погрешно место и во погрешно време.

Ако сонувате дека бегате од диви свињи

Кога на сон бегате од диви свињи тоа укажува на радосни и на добри вести. Можеби ќе бидат поврзани со професионалниот дел од вашиот живот или приватниот сегмент на некоја блиска личност.

Ако други бегаат од диви свињи во ваш сон тоа значи дека ќе ве разочара драга личност. Веројатно пријателот или пријателката ќе нема доволно време да ви се посвети во тешки моменти. Тоа ќе ве повреди бидејќи сметате дека со вашите гестови сте заслужиле барем понекогаш да ви се јави и да ве праша како сте.

Ако сонувате дека ловите диви свињи

Кога сонувате дека ловите диви свињи тоа значи дека премногу енергија и време трошите на нешто неисплатливо. Сигурно сте започнале некоја работа во чиј успех многумина се сомневаат, па сакате да им покажете дека не се во право. Во некој момент ќе сфатите дека сте погрешиле, па ќе се откажете од тоа.

Ако во вашиот сон некој друг лови диви свињи тоа значи дека колегата на работа би можел да ги преземе заслугите за нешто што сте го завршиле со голем успех. Веројатно на време ќе ги воочите неговите намери и нема да му го дозволите тоа.

Ако сонувате дека сте раниле дива свиња

Доколку сонувате дека сте раниле дива свиња тоа е предзнак за претстојна победа. Можеби ќе го победите непријателот и ќе решите проблем кој ве мачи долго време. Во секој случај тоа ќе ви донесе големо олеснување и радост.

Сон во кој гледате како некој друг ранил дива свиња укажува на расправија. Веројатно ќе влезете во расправа со лице чие мислење е целосна спротивност од вашето.

Нема да успеете да го убедите да си го промени ставот па затоа е подобро да се откажете за да не ви го наруши односот.

Ако сонувате дека сте убиле дива свиња

Овој сон симболизира остварување на желбите и на плановите.  Во блиска иднина конечно ќе го постигнете она што долго време го посакувате. Не мора исклучиво да се работи за работа или за пари можеби ќе ве освои личност која долго време ви се допаѓала или ќе помогнете некому во неволја.

Кога на сон видите дива свиња тоа имплицира дека треба да поработите на емоционалната стабилност. Сега сте пречувствителни и допуштате многу нешта да ве налутат и да ве изнервираат. Ако жена сонува мртва дива свиња тоа значи дека е загрижена за некој член на семејството.

Доколку јадете месо од дива свиња

Ако сонувате месо од дива свиња значи дека ќе ви се укаже голема чест. Можеби ќе добиете признание за работа која сте ја направиле или акција која сте ја спровеле. Во секој случај опкружувањето ќе ја препознае вашата постапка и ќе бидете симболично наградени.

Ако други јадат месо од дива свиња

Ако видите дека некој јаде месо од дива свиња укажува на завист и љубомора која ја чувствувате кон некого кој има повеќе среќа или пари од вас. Сигурно во близина има некоја личност која го постигнала она за кое отсекогаш сте мечтаеле. Наместо да ви биде мотивација, вие го/ја гледате како закана.

Негативните чувства не носат никому ништо добро, затоа промените го начинот на гледање на нештата и почнете да работите на остварување на целите.

Значењето може да биде поедноставно. Доколку пред скоро време сте биле на лов, зоолошка градина или сте гледале диви свињи на телевизија тоа ви оставило впечаток.

Дефиниција за диви свињи

Дива свиња спаѓа во голем дивеч која е близок роднина на домашните свињи, а живее во чопор околу влажни шуми.