Епидемија - Соновник - најобемниот македонски соновник | Sonovnik - CRNOBELO.com


Епидемија

Term Main definition
Епидемија

Ако слушнете дека владее пандемија: добро здравје.

Епидемија – значење на сонот и симболизам

Ако сонувате епидемија

Кога на сонот ќе слушнете епидемија тоа имплицира дека непотребно сте се плашеле за сопственото здравје, бидејќи тестовите и прегледите ќе покажат дека сте добро.

Можеби во последно време ве мачеле бројни симптоми па сте помислиле на она најлошото, но ќе произлезе дека сте грешеле. Исто така, можно е значењето да се однесува и на драга личност за која многу сте загрижени.

Ако се вакцинирате против епидемија

Ако сонувате дека се вакцинирате против епидемија значи дека сте одговорна и совесна личност. Се грижите за своето здравје и редовно одите на контролни прегледи. Освен тоа, водите сметка за исхраната и се занимавате со физички активности. Веројатно сте толку совесни кога е во прашање работата, па работодавците ве сметаат за еден од своите најдобри работници.

Доколку во сонот некои други луѓе примаат вакцина против епидемија тоа укажува на проблеми со конкуренцијата. Можеби сте конкурирале за работното место кое многу луѓе го сакаат, па се плашите дека нема да го добиете, а можеби во вашата фирма дошла личност за која се плашите дека би можела да ви ја преземе позицијата за која се борите долго време.

Ако избегнете епидемија

Ако сонувате дека сте успеале да избегнете некоја болест која се проширила насекаде околу вас, тоа значи дека психички сте посилни отколку што сте мислеле. Ќе ви се случат некои ситуации кои ќе ве исфрлат од такт, а тоа ќе ви биде тест за менталната сила. Меѓутоа, во моменти кога ќе помислите дека не можете да ја поднесете количината на стрес или болка, ќе покажете дека не сте биле во право.

Ова ќе ви даде голема самодоверба па полесно ќе можете да се соочувате со предизвиците кои ве очекуваат во животот. Во продолжение на текстот прочитајте подетално толкување на мотивите за епидемија во соништата.

Епидемија на грип

Како и кај повеќето соништа за  болести и овој се однесува на негативни чувства или мисли. Сепак, се разликува од други по тоа што фазите на лошото расположение се пократки и послаби. Можеби на работа, на факултет или на училиште ви се случуваат некои проблеми, што влијаат врз нивото на самодоверба.

Веројатно се плашите дека нема да го положите испитот на време или нема да успеете да завршите некоја задача во даден рок.

Епидемија на мали сипаници

Ако сонувате епидемија на мали сипаници тоа значи дека имате проблем кој може да се реши само со трпение. Можеби сте доживеале некои непријатни ситуации во текот на кои сте морале да си го „прегризете јазикот“, бидејќи во спротивно би можеле да предизвикате голема расправа. Сте се избориле дополнително да не си ја влошувате ситуацијата, но ви останало горчливото чувство во устата.

Друго значење е дека имате голем проблем кој изискува донесување одлуки за цел живот. Можно е одлуките да се однесуваат и на партнерот или на членовите на семејството, кои, во некоја рака зависат од вас.

Епидемија на колера во соновник

Кога сонувате епидемија на колера тоа симболизира чувство на осаменост или несфаќање од околината за вашите одлуки и постапки. Веројатно имате проблем во комуникација со блиските луѓе бидејќи ве осудуваат за се што правите. Сепак, не  е исклучено дека проблемот е во вас.

Можеби е време да ја прифатите ситуацијата во која сте се нашле, да се соочите со проблемот и да почнете да го решавате за да не ви остави негативни последици по вашето ментално здравје.

Епидемија на ебола

Доколку сонувате епидемија на ебола тоа укажува на потреба за изолација. Веројатно сте доживеале стресни и тешки моменти и не ви пречи ничие друштво. Сакате самите да ги излечите своите рани. Колку е поголем притисокот од околината да разговарате, толку ви е потешко. Не пронаоѓате начин да им објасните на личностите дека ви треба само малку време и простор.

Најмалку што ви треба во моментот е да се занимавате со луѓе, но ќе мора да ги пуштите да ви се приближат бидејќи се загрижени за вас. Немојте да ги убедувате дека со вас е  сè во ред бидејќи нема да ви поверуваат. Обидете се смирено и сталожено да им покажете дека ви треба време и простор.

Епидемија на чума

Епидемија на чума симболизира чувство на безнадежност. Можно е некоја личност која ви е драга да има сериозен проблем, а не сака да се соочи со него и да почне да го решава. Би сакале да ја почувствува вашата поддршка и да го сослуша вашиот добронамерен совет, но од ден на ден запаѓа во пропаст.

Чувствувате вина поради тоа и самите знаете дека правите сè  за да му/и помогнете. Можеби е време да „кренете раце“ и да го прифатите фактот дека секој сам си го режира својот живот.

Епидемија на маларија

Ако сонувате епидемија на маларија тоа укажува на штета или на загуба. Можеби ќе имате некој дефект на автомобилот или некој кујнски уред кој поради недостаток на пари ќе ви создава главоболка.

Веројатно ќе бидете присилени трошокот да го префрлите за следниот месец, бидејќи не сте го предвиделе во семејниот буџет, а дополнително задолжување не е опција.

Епидемија на тифус

Овој сон значи дека би требале да се занимавате со хуманитарна работа. Вие сте една многу емпатична личност и ве боли кога ќе чуете или гледате болни и сиромашни луѓе. Се трудите тоа да не ве погодува, но во состојба сте да се расплачете кога ќе видите бездомни, болно дете на телевизија или цело семејство кое нема основни услови за живот.

Можеби подобро ќе се чувствувате ако тргнете во „акција“. Организирајте собирање на средства, облека, обувки или храна за оние на кои им е најпотребно. На тој начин ќе им помогнете на другите и нема да се чувствувате бескорисно.

Епидемија на Сида (AIDS)

Кога сонувате епидемија на вирусот Сида значи дека ќе помогнете некому во неволја и така ќе си стекнете пријател за цел живот. Веројатно се работи за сосема непозната личност која ќе и значи што сте се потрудиле да му/и излезете во пресрет. Во знак на благодарност ќе ве покани на ручек или на вечера, па тогаш ќе сфатите дека имате многу заеднички нешта и ќе почнете интензивно да се дружите.

Друго значење на соништата за вирусот Сида се потсвесни стравови. Се плашите дека некого кого сакате ќе се разболи и ќе умре. Сте дозволиле негативните мисли да ви го окупираат умот, па затоа мора да се ослободите од нив. Опкружете се со ведри луѓе или поминувајте повеќе време со деца.

Ако сонувате епидемија на корона вирус (covid-19)

Под влијание на медиумите сте. Лесно може нешто да ве загрижи.

Значењето на сонот може да биде многу поедноставно. Ако неодамна на телевизија сте слушнале дека владее епидемија на грип, мали сипаници или други болести тоа веројатно ви оставило силен впечаток врз вас.

Дефиниција за епидемија

Епидемија е ненадејно зголемување на случаи на заразени во човечката популација во одреден простор, кое значително го надминува бројот на случаите во иста популација.

Најчитани неделава

sonovnik-sidebar.jpg