Ако видите:  неповолни вести, кавга;  ако седите во неа: за вас не важи поговорката „времето е пари“; ако сте во кафеана без пари: непријатно изненадување.

Што значи да сонувате гостилница?

Ако сонувате гостилница

Ако во сонот видите гостилница тоа укажува дека имате многу слободно време. Во вашиот случај не важи изреката дека времето е пари. Никогаш никаде не се брзате ниту пак се нервирате околу секојдневните проблеми кои ги мачат повеќето луѓе од вашето опкружување.

Многу луѓе за вас велат дека сте флегматична личност и би сакале макар на пет минути да го имаат вашиот мозок за да се одморат малку.

Ако влезете во гостилница во сон

Ако сонувате дека сте влегле во гостилница во сон тоа означува кавга со саканата личност. Можеби причината поради тоа ќе биде фактот дека се чувствува запоставено и дека смета дека не му/ ѝ обрнувате доволно внимание.

Иако оваа расправија ќе ја иницирате со цел да ја убедите во спротивното, честопати ви се случува и самите да се прашувате дали го губите интересот кога ладно сте во состојба подолг временски период да не се слушате и да не се гледате.

Ако ја напуштите гостилницата во сон

Кога сонувате дека сте ја напуштиле гостилницата, тоа имплицира дека ќе свртите нов лист. Како и повеќето луѓе, и вие секој понеделник започнувате диета, учите за испити или вежбате, што често завршува со неуспех. Меѓутоа, во наредниот период ќе почувствувате потреба да се дисциплинирате и навистина да се доведете ред во вашиот живот. Овојпат вашата одлука ќе биде навистина дефинитивна и ќе сторите сè што е во ваша моќ за да станете личност на која ќе се воодушевувате.

Гостилница, кафеана или бар честопати симболизираат радост и веселба. Сепак, толкувањето зависи од контекстот во којшто се одвиваат, како и од деталите и од чувствата ги следат. Во текот на овие соништа може да чувствувате среќа и задоволство, а не се ретки ниту тагата, тешкотијата или стравот.

Ако сонувате полна гостилница

Доколку гостилницата во вашиот сон е преполна тоа укажува на расправија со партнерот или со партнерката или некоја друга драга личност. Причината поради тоа ќе биде недоразбирање или премала подготвеност за постигнување компромис.

Ако сонувате празна гостилница

Празна гостилница во сонот симболизира емоционални проблеми. Можеби чувствувате тешкотија, депресија или жалите поради нешто. Ваквите соништа честопати ги сонуваат оние луѓе кои неодамна раскинале врска или се развеле од сопругот или сопругата.

Ако сонувате дека стоите во гостилница

Ако во сонот стоите во гостилница тоа претставува некој вид  на бариера во односите со другите луѓе. Понекогаш делувате интровертно и непристапно затоа што не им дозволувате на луѓето да ви се приближат.

Вистина е дека постојат мал круг на луѓе во кој се чувствувате добро и потешко склопувате нови познанства и пријателства. Не е дека не им верувате на луѓето туку дека сакате да држите дистанца додека не го процените нивниот карактер.

Ако сонувате дека пиете во гостилница

Доколку сонувате дека пиете во гостилница тоа може да има повеќе различни значења. На пример, ако самите пиете во гостилница тоа значи дека сакате да побегнете од проблемите кои долго време ве мачат. Постојано е присутен во ваша глава, но се трудите дека не размислувате за тоа. Ако пиете во друштво тоа имплицира дека во блиска иднина ќе остварите контакти кои можат да ви помогнат во кариерата.

Кога сонувате дека сте пијани во гостилница тоа симболизира вас опуштен став кон животот. Секогаш гледате на сè на ведрата страна бидејќи не сакате да се грижите без причина. Сте сфатиле дека животот е претерано краток за да го трошите времето на грижи и на проблеми. Понекогаш ја нервирате околината бидејќи сметаат дека сте претерано опуштени кога се во прашање сериозни животни прашања.

Ако во вашиот сон некој друг човек е пијан во гостилница тоа значи дека имате потреба да го следите својот пат, а не да сте под постојан надзор и влијание врз другите луѓе. Веројатно некоја личност постојано се меша во вашиот живот.

Ако сонувате дека сте жедни во гостилница

Доколку сонувате дека сте претерано жедни во гостилница и не можете да пронајдете нешто за пиење укажува на големи неволји. Можно е да се вовлечете во ризична или во нелегална работа која нема да ви донесе очекувана заработка, туку само огромни проблеми и потешкотии.

Ако сонувате дека пиете вода во гостилница

Кога сонувате дека пиете вода во гостилница тоа исто така може да има повеќе значења. Ако ви годела водата тоа значи дека добро ќе се снајдете во некоја кризна ситуација. Некој настан од вас ќе бара трезвеност и максимално внимание, но успешно ќе си ја одработите задачата. Доколку водата е валкана, топла или врека тоа имплицира дека нема да бидете задоволни од исходот на работата во којашто сте вложиле многу труд.

Ако сонувате дека танцувате во гостилница

Сонот во којшто играте во гостилница предвидува многу позитивни промени во вашиот живот. Веројатно ќе ви се случи нешто што многу ќе ве усреќи. Воглавно е поврзано со приватниот дел од вашиот живот. Ако видите како луѓето играат во гостилница тоа укажува на угодно дружење со личност која не сте ја виделе долго време.

Можеби на улица ќе сретнете пријател или пак пријателка кои веќе долго време не живеат во вашиот град. Ќе заминете некаде на кафе или пијалак и ќе уживате во разговорот за заедничките спомени од детството или од младоста.

Ако се тепате во гостилница

Доколку се тепате во гостилница тоа значи дека тешко можете да ги контролирате своите чувства. Многу сте непосредна личност и искрен човек и не сакате зборовите да ги пакувате со украсна хартија. Поради тоа многу луѓе ве сакаат, но ги има и оние коишто се навредени од вашата искреност.

Во блиска иднина поради својот темперамент би можеле да дојдете во расправија со личност која има сличен карактер како вашиот. Кога две тврдоглави личности влезат во расправија, тоа е знак за голем проблем. Потрудете се да се контролирате кога ќе биде најпотребно за да не западнете во голема неволја.

Ако сонувате дека други луѓе се тепаат во гостилница

Ваквиот сон имплицира дека наскоро ќе мора да глумите судија во спор помеѓу лица кои еднакво ги сакате и ги почитувате. Колку и да се трудите да ја избегнете оваа ситуација, ќе мора да го кажете сопственото мислење.

Ако сонувате дека купувате гостилница

Ако во сонот купувате гостилница тоа значи дека сте неизживеани. Сè уште ви недостасува авантура во животот. Доколку сте во брак или во врска ова би можело да ви наштети на односот.

Ако сонувате дека продавате гостилница

Сонот во којшто продавате гостилница укажува на неочекувани трошоци. Веројатно во буџетот не сте предвиделе некои издатоци кои наскоро би можеле да ви создадат главоболка.

Ако сонувате дека рушите гостилница

Кога во сонот рушите или пак палите гостилница тоа значи дека конечно ќе се одлучите да се ослободите од пороците кои ви влијаат врз квалитетот на вашиот живот. Ќе ви биде тешко, но ќе истраете во своите намери.

Ако сонувате дека бркате гостилничар

Доколку сонувате дека бркате гостилничар тоа имплицира дека треба конечно да си признаете како се чувствувате кон некоја личност. Во вашиот живот има некоја личност којашто многу ви се допаѓа, но ги криете чувствата бидејќи се плашите дека нема да ви бидат возвратени. Од друга страна, емоциите можат да бидат и негативни. Можеби не можете повеќе да трпите некоја блиска личност која повеќе не ви одговара.

Ако сонувате дека ве брка гостилничар

Кога сонувате дека ве брка гостилничар тоа значи дека сте прилично наивни и лековерни. Дозволувате луѓето да ве наговорат да правите нешта кои не ги сакате. Веројатно тоа го правите од страв да не останете сами, а би требале да бидете свесни дека некогаш е подобро да си сам отколку во лошо друштво. Престанете да се понижувате и да држите до ветувањата кои сте си ги дале себеси, а не само на другите.

Ако сонувате дека се расправате со гостилничар

Ако во вашиот сон се расправате со гостилничар тоа значи дека жалите што на јаве не сте постапиле како што сте сакале. Неодамна сте влегле во расправија со некоја личност и сте и дозволиле да победи. Сте биле претерано возбудени и не сте можеле да ги изнесете сите свои аргументи. Затоа оваа расправија сте ја пренеле од јаве на сон.

Ако сонувате дека други луѓе се расправаат со гостилничар

Доколку во сонот видите и слушате дека некој се расправа со гостилничар тоа значи дека ќе застанете на нечија страна. Можно е работодавецот да сака да даде отказ на некој колега за кој сметате дека е вреден и чесен работник. Затоа ќе сторите сè што е во ваша моќ да си го задржи работното место. Не е исклучено ниту дека ќе морате да си ја браните честа на својата професија.

Ако сонувате дека се тепате со гостилничар

Сонот во којшто се тепате со гостилничар укажува на љубомора. Веројатно во блиското опкружување имате личност која постигнала сè она за коешто мечтаете во вашиот живот. Наместо да ви биде мотивација и самите да напредувате, се однесувате како да ви е закана. Зависта е многу лошо чувство и не треба да биде движечка сила. Подобро би ви било кога би се свртеле кон себе за да ги остварите своите зацртани цели.

Ако сонувате дека други луѓе се тепаат со гостилничар

Доколку сонувате дека некој друг човек се тепа со гостилничар тоа имплицира дека во некоја работа ќе го „извлечете подебелиот крај“. Можеби со колегата/колешката ќе поделите обемна задача за да ја завршите за пократок временски период, но тој/таа нема да го испочитува својот дел од договорот. Сепак ќе мора да го одработите и неговиот/нејзиниот дел од задачата. Ова ќе го сфатите како порака никогаш повеќе да не се потпирате на другите луѓе, туку да си се потрудите сами да си ја одработите задачата.

Ако сонувате дека се бакнувате со гостилничар/гостилничарка

Ако маж се бакнува со гостилничарка тоа е чист одраз на неговите сексуални фантазии. Поконкретно, мечтаете за некои нешта во креветот, но се плашите да ги признаете на вашата партнерка, бидејќи би можела тоа погрешно да го протолкува. Ако сте во врска или во брак веќе подолг временски период, во тој случај овој ризик е сведен на минимум, бидејќи се подразбира дека партнерката многу добро ве познава. Меѓутоа, ако допрва сте почнале да се запознавате со некоја жена, не би требале да ја „плашите“ со некои неконвенционални сексуални барања.

Ако жена сонува дека се бакнува со гостилничар можно е даа има соперничка. Во животот на вашиот дечко/партнер има некоја жена со која е близок, но за која упорно тврди дека му е само добра пријателка. Честопати ја споменува, што во вас предизвикува големи напливи на љубомора и завист. Иако му верувате нему, не ѝ верувате нејзе. Затоа ќе се потрудите да ѝ покажете колку ви е силна врската за да не ѝ падне случајно на памет да се додворува на вашиот партнер.

Сонот во којшто мажот сонува дека се бакнува со гостилничар значи дека дозволил предрасудите да му го поматат разумот. Запомнете, не се сите нешта кои не ги сфаќате лоши и погрешни. Понекогаш треба да го запознаете човекот или да научите нешто пред да давате свој суд. Поради вашите стереотипи сте пропуштиле многу убави прилики во вашиот живот.

Доколку жена сонува дека се бакнува со гостилничарка тоа значи дека настанот од минатото и понатаму ја измачува. Сте преживеале некое тажно искуство кое ви оставило лузни. Иако се трудите да го заборавите, постојано се навраќате на истото. На тој начин дополнително се измачувате и се спречувате себеси да живеете во сегашноста и да размислувате за иднината.

Ако сонувате  дека сте убиле гостилничар

Ваквиот сон укажува на грижа на совеста. Веројатно сте повредиле или пак навредиле некого за кого многу се грижите. Не знаете како да му/ ѝ се извините, па сте дозволите времето да си го направи своето. Но, тоа е најлошата варијанта што сте можеле да ја изберете. На тој начин, тој или таа ќе си помисли дека не ви е грижа и ќе се потруди засекогаш да ве избрише од својот живот. Покажете колку ви е жал и дека искрено се каете поради своите постапки пред да биде предоцна.

Ако сонувате мртов гостилничар

Ако во вашиот сон гледате мртов гостилничар тоа значи дека пред вас е еден многу поволен период што се однесува до финансиската состојба. Потрудете се да заштедите нешто повеќе за „црните денови“ или да вложите пари некаде каде што ќе бидете сигурни дека нештата ќе бидат под контрола. И самите сте си свесни дека парите умеете да ги трошите многу бргу и лесно. Затоа, некој друг нека се погрижи за тоа.

Значењето на сонот може да биде многу поедноставно. Доколку пред скоро време сте биле во посета на гостилница, тоа сигурно ви оставило силен впечаток кој од јаве се пренел на сон.

Дефиниција за гостилница

Гостилница претставува угостителски објект кој на патниците им нуди сместување, пијалак, храна и забава.