Гледање: премногу си скромен, непотребни трошоци; носење: ќе добиеш подарок, пријатна посета; златна: непосредна радост, богатство, чест.

Што значи да сонувате нараквица?

Нараквица во соништата е поврзана со добивка што може да се однесува на вреден подарок, признание или правилна одлука што ќе ја донесете. Таквите соништа статистички почесто ги сонуваат жените отколку мажите.

Ако гледате нараквица во сон

Ако во сон гледате нараквица, тоа укажува дека сте премногу скромни. Вие сте личност која би им дала сè на другите, а себеси се ставате на последно место и не ги исполнувате своите желби.

Постојат многу работи што ви се допаѓаат, но претпочитате да купите нешто за домот или за драги луѓе кои ретко ве прашуваат дали имате сè што ви треба.

Ако носите нараквица во сон

Доколку во сон носите нараквица, тоа симболизира пријатна посета. Можно е роднини или пријатели што не сте ги виделе долго време да дојдат да ве посетат.

Нема да имате доволно време да разговарате за сè што ве интересира, па ќе си ветите едни на други дека ќе се гледате почесто и ќе бидете во контакт.

Ако сонувате златна нараквица

Кога во сон ќе видите златна нараквица, тоа означува чест. Веројатно се приближува значаен датум што ќе биде круна на вашиот успех на деловен или емотивен план.

Ќе сфатите дека вашите напори не беа залудни и дека тие ви овозможија да дојдете на позицијата на која сте сега.

Ако изгубите нараквица во сон

Ако во сон изгубите нараквица, тоа подразбира дека ќе бидете во хаос. Може да се случи следниот период да биде многу стресен за вас и да не умеете да се справите со сите обврски што ве очекуваат.

Ќе бидете доста дезориентирани и ќе ви биде потребно некој да ве сослуша, а не да ве критикува.

Ако најдете туѓа нараквица во сон

Кога во сон ќе најдете туѓа нараквица, тоа значи дека ќе постапите чесно. Вие сте личност која се води според изреката: „Не прави го на другите она што не сакаш да ти го прават на тебе“.

Се трудите да постапувате чесно, затоа што тоа е единствен начин кој ви овозможува мирен сон и мирна совест што не може да се купи со материјални работи.

Ако добиете на подарок златна нараквица

Доколку сонувате дека некој ви подарил златна нараквица, тоа подразбира дека ви се допаѓа личност која не ви е достапна од многу причини. Веројатно се работи за некој што е оженет или е во долга врска.

Можеби и вие сте забележале некоја наклоност што надминува пријателски рамки, но не би требало да реагирате на тоа,  ако не сакате да го загрозите својот углед.

Ако сонувате сребрена нараквица

Ако во сон гледате сребрена нараквица, тоа значи дека нема да ви се допадне наградата на која се надевавте. Можно е да не го добиете ветеното покачување или да биде само симболично. Вие сметавте на тоа затоа што мислевте дека заслужувате да бидете наградени од вашиот работодавец.

Ќе бидете малку разочарани, што би можело да влијае на вашата мотивација.

Ако добиете сребрена нараквица како подарок

Кога сонувате дека некој ви подарил сребрена нараквица, тоа укажува на среќни моменти со пријател или со саканата личност. Можеби ќе одлучите да излезете на пијачка или да одите на кратко патување, што ќе ви годи на вашето тело и душа.

Ако сонувате кожена нараквица

Доколку во сон гледате или носите кожена нараквица, тоа значи дека сте прилично опуштена личност. Ретко се замарате со погрешни работи и навистина се трудите  да уживате во животот. Многумина ве сметаат за несериозна личност поради тоа, но не обрнувате внимание на таквите забелешки.

Имате голема самодоверба и мразите сè што е комерцијално и популарно. Вашето мото е исто со години - прифати ме каков/а што сум или не ме прифаќај!

Ако добиете кожена нараквица како подарок

Ако сонувате дека некој ви подарил кожена нараквица, тоа подразбира дека пречесто го менувате своето мислење под влијание на други луѓе. Би требало да се држите повеќе до својот став. Не смеете да дозволите другите да ве манипулираат секогаш кога ќе им се даде можност.

Вие одамна ги надминавте фазите во кои човек копнее да биде прифатен, време е да се прифатите себеси.

Ако сонувате нараквица со скапоцени камења

Сон во кој гледате или носите нараквица со скапоцени камења ја симболизира вашата расипничка природа. Вие едноставно не умеете да располагате со пари. Кога имате пари, не можете да се контролирате, па купувате непотребни работи за себе и за другите.

Затоа често сте на работ на банкрот. За среќа, семејството и пријателите досега ви помагаа, но мора да бидете свесни дека тоа не може да трае вечно. Одредете приоритети и однесувајте се според своите можности.

Кога сонувате дека некој ви подарил нараквица со скапоцени камења, тоа значи дека имате таен обожавател. Ѝ се допаѓате на личност која не се осмелува тоа да ви го  признае. Причината може да биде тоа што сте во моментов зафатени или во вашиот став кон луѓето.

Често се држите на дистанца, па на многумина им се чини дека сте надмоќна личност, иако сигурно не сте. Обрнете внимание на знаците и сигурно веднаш ќе сфатите за кого се работи.

Ако сонувате силиконска нараквица

Ако во сон гледате силиконска нараквица, тоа укажува на непријатности што би можеле да ги доживеете во блиска иднина. Можно е некој да ве обвини за нешто што не сте го сториле.

Иако немате навика да ги оправдувате своите постапки, овој пат ќе вложите голем напор да ја докажете својата невиност.

Кога во сон некој ви подарува силиконска нараквица, тоа симболизира љубомора. Покрај себе имате личност која се претставува како искрен пријател, а чии намери не се толку „чисти“.

Обидете се да препознаете за кого се работи и дистанцирајте се, во спротивно би можеле да се најдете во проблеми.

Ако сонувате бисерна нараквица

Доколку сонувате дека носите бисерна нараквица, тоа значи дека пред вас е еден многу поволен период. Ќе бидете задоволни со својата здравствена, емоционална и материјална состојба и ќе зрачите со позитивна енергија. Луѓето кои не се во врска или во брак би можеле да запознаат многу интересна личност со која не се исклучуваат ниту љубовни односи.

Кога некој во сон ви подарува бисерна нараквица, тоа укажува на почитта што ја уживате во својата средина. Вие сте многу комуникативна и чесна личност, која добро ја работи својата работа и затоа сте многу ценети во својот град.

Не мора претерано да се трудите за да го одржите својот статус, но не смеете да дозволите „славата да ви удри во глава“. Бидете тоа што сте и поради што многумина ве засакаа.

Ако купувате нараквица

Ако во сон купувате нараквица за себе, тоа значи дека ви недостасува внимание. Можеби сте се оддалечиле од партнерот или сте сами подолго време. Ваквите соништа се последица и на осаменоста.

Доколку, пак, сонувате дека купувате нараквица за други, тоа подразбира дека ќе имате неочекувани трошоци.

Значењето на сонот може да биде поедноставно. Доколку неодамна сте виделе, носеле, пронашле или сте изгубиле нараквица, тоа сигурно ви оставило впечаток.

Дефиниција за нараквица

Нараквица е накит што го краси зглобот на раката или ногата.