Да се биде невидлив во сон значи дека имате залудни надежи, а справувањето со невидливи суштества ве предупредува да не се збунувате.

Што значи да сонувате невидлив - невидлива?

Во сон невидливите суштества се поврзани со вашата потсвест и најчесто ви кажуваат дека би требало да исправите нешто или да бидете претпазливи.

Ако сте невидлив во сон

Ако вие сте невидливи во сон, тоа подразбира дека имате залудни надежи. Можно е да сте вљубени во личност која не ве забележува, но секој негов/нејзин гест го толкувате како знак дека му/ѝ се допаѓате. Се лутите кога пријателите ви укажуваат на реалната ситуација која е дијаметрално спротивна на вашите желби и фантазии.

Друго значење е дека не сакате да се експонирате. Вие сте личност која секогаш останува во сенка и се трудите со ништо да не го свртувате вниманието кон себе.

Претпочитате да им ја оставате заслугата на другите за она што сте го направиле, иако токму поради тоа не напредувате на работа. Не сакате да се фалите, туку се надевате дека на вас ќе се сетат оние што успеале благодарение на вас.

Ако сонувате дека имате работа со невидливи суштества

Доколку во сон имате работа со невидливи суштества, тоа ве предупредува да не се збунувате. Веројатно некој се обидува да ве убеди дека тоа што го правите не е правилно, иако детално сте се распрашувале за сè.

Ќе се двоумите на моменти, но идејата за целта што сте ја поставиле ќе ве врати на вистинскиот пат.

Ако сонувате дека ве прогонуваат невидливи суштества

Кога во сон ве прогонуваат невидливи суштества, тоа укажува дека вашата совест не е чиста. Не мора да значи дека сте научиле нешто лошо, доволно е да не сте му кажале некому сè што чувствувате.

Ќе зажалите за пропуштените можности што нема да можете да ги вратите, но ќе сфатите дека не можете да си го уништите животот поради нив.

Значењето на сонот може да биде поедноставно. Доколку сте гледале филм во кој се појавуваат невидливи суштества, тоа сигурно ви оставило впечаток.

Дефиниција за невидливи суштества

Невидливите суштества можат да имаат повеќе значења, а некои од нив се привиденија, духови, демони итн.