Пари - Соновник - најобемниот македонски соновник | Sonovnik - CRNOBELO.com


Пари

Term Main definition
Пари

Добивање: те очекуваат големи трошоци; издавање: имаш можност за добивка; броење: голема заработка; гледање: ненадејно богатство; позајмување: грижи, проблеми; наоѓање: несреќа, понижување; губење: неуспех во една деловна активност; фалсификувани: се бориш со нечесни мисли.

Што значи да сонувате пари?

Парите во соништата главно имаат позитивна конотација затоа што најавуваат добивки, но може да имаат и негативна, т.е. го откриваат вашето незадоволство поради нивни недостиг или сомневање дека луѓето околу вас би се промениле доколку останете без пари.

Ако сонувате дека сте добиле пари

Ако во сон добиете пари, тоа подразбира дека ве очекуваат големи трошоци. Можно е да започнете да средувате нешто што сте го занемариле, но ќе имате главоболка кога ќе видите колку труд и финансиски средства ќе ви бидат потребни.

Ќе заклучите дека е подобро да работите по малку секој ден отколку да се собере многу работа која можевте да ја избегнете.

Ако сонувате дека издавате пари

Доколку во сон издавате пари, тоа укажува дека постои можност за добивка. Вие сте личност која е постојано во акција и не се задоволувате со она што го имате, иако тоа е и повеќе од доволно за пристоен живот.

Барате нови предизвици кои ќе направат да се чувствувате моќно и прифатено во друштвото. Вие и самите имате впечаток дека на тој начин бегате од осаменоста и лошите одлуки што сте ги донеле на приватен план.

Ако сонувате дека броите хартиени пари

Кога во сон броите хартиени пари, тоа означува голема заработка. Може да се случи во наредниот период да имате повеќе работа од кога и да е што ќе ја прифатите со двете раце и ќе работите без одмор.

Свесни сте дека такви шанси не се пропуштаат и не траат премногу долго, поради што ќе ги искористите максимално.

Ако крадете пари во сон

Ако во сон крадете пари, на јаве ви претстои беда и срам.

Ако ви украле пари во сон

Кражба на ваши финансиски средства од страна на трети лица означува дека некоја  правда нема успешно да ја истерате колку и да се трудите.

Ако сонувате непозната валута

Ќе ве израдува радосна вест од далеку. Ќе надминете некој проблем што ве мачи  долги години.

Ако сонувате монети

Ако сонувате пари во форма на монети, тој сон означува помал трошок кој не можете да го избегнете.

Ако сонувате дека гледате пари или многу пари

Ако во сон гледате пари, тоа симболизира ненадејно богатство. Веројатно станува збор за наследство што не сте го очекувале, но кое ќе внесе голема конфузија во вашиот живот. Бидејќи за тоа ќе бидат потребни многу измени, ќе размислите  дали сте подготвени да се грижите за сè што ви е доверено или ќе сакате да одите по својот пат кој ќе биде дијаметрално спротивен.

Ако позајмувате пари во сон

Сонување дека сте позајмиле пари од некого, може да укаже на грижи кои се длабоко вкоренети во вашата потсвест. Честопати некои проблеми може да ви изгледаат нерешливи и затоа се препуштате на очај. Можно е да не го цените доволно она што го имате и да жалите за нешто што не можете да си го дозволите.

Ако сонувате дека позајмувате пари на некого

Доколку во сон позајмувате пари, тоа означува неволји. По природа сте дарежливи и често им помагате на другите без да барате ништо за возврат. Меѓутоа, ќе сфатите дека не се сите коректни и дека се во состојба да се налутат кога нема да го добијат  она што го очекувале.

Ќе се уверите дека, иако некому сте му помогнале 100 пати, ако не му помогнете 101 пат, ќе биде лут/а на вас и ќе зборува сешто.

Ако сонувате дека сте нашле изгубени пари

Кога во сон ќе најдете пари, тоа е предупредување дека ќе доживеете понижување. Може да се случи луѓето од вашата околина да не бидат задоволни од начинот на кој вие се борите за себе и, иако вашата работа е чесна, тие тоа ќе го сметаат под нивното ниво.

Ќе им пречи што сте независни и што не зависите од никого, па затоа ќе се обидат да ве убедат дека без нивна помош нема далеку да стигнете.

Ако добиете пари на подарок

Ако во сон добиете некој паричен износ како подарок, тоа означува дека вашиот труд ќе биде препознаен и соодветно награден од вашите родители, блиски роднини или од надлежните во фирмата.

Ако сонувате дека сте изгубиле пари

Ако во сон изгубите пари, тоа е предупредување дека нема да успеете во една деловна активност. Можно е да дадете отказ во фирмата во која работевте со години и да започнете сопствен бизнис. Ќе мислите дека тоа е лесно и дека нема да имате многу обврски, но реалноста ќе биде сурова и многу брзо ќе ви укаже на вашите заблуди.

Ако сонувате лажни пари - фалсификувани пари

Кога во сон гледате фалсификувани пари, тоа подразбира дека се борите со  нечесни мисли. Вие сте личност која стекнала сè со својот труд и работа. Меѓутоа, често среќавате луѓе кои не се ниту образовани, ниту способни како вас, но имаат многу повеќе пари и успех.

Се случува да бидете во искушение и да посакате да постапувате неправедно, но брзо се спуштате на земја и сфаќате дека на тој начин би се понижиле себеси и своето семејство.

Ако сонувате дека вие фалсификувате пари

Фалсификување пари во сон значи дека во вас се води морална борба. Ќе се двоумите дали да ги ставите на коцка вашиот углед и долгогодишен труд заради минливи задоволства. Можно е некој да ве наведе на лоши работи, но ќе ви биде тешко реално да ја согледате ситуацијата и да се запрашате зошто таа личност е со вас.

Значењето на сонот може да биде поедноставно. Доколку неодамна сте виделе, нашле, изгубиле, фалсификувале, позајмиле или сте броеле пари, тоа сигурно ви оставило впечаток.

Дефиниција за пари

Парите се средство за плаќање стоки и услуги.

Најчитани неделава

sonovnik-sidebar.jpg