Добивање торта: радост; подарување: неизвесност во љубовта; јадење: ќе учествуваш на гозба или на пијанка.

Што значи да сонувате торта?

Мотивот торта во книгата за соништа е релативно чест. Најчесто торти сонуваат помлади луѓе, но и луѓе кои го сакаат ова благо. Тортата е еден од стоте најсонувани соништа.

Значењата варираат од изненадување, неизвесност, преку внимание до  веселба во блиска иднина. Соништата со торти се главно позитивни.

Ако сонувате дека гледате торта

Ако во сон гледате торта, тоа укажува дека некој ќе ве изненади. Веројатно се работи за личност која ќе се сети на важниот датум што го одбележувате. Ќе се потруди да ви го разубави тој ден, по што ќе станете уште поблиски.

Ако сонувате дека сте подариле торта

Доколку во сон подарите торта, тоа означува неизвесност во љубовта. Можно е со партнерот/партнерката никогаш да не знаете на што сте. Ви се чини дека калкулира и дека игра „топло-ладно“.

Свесни сте дека би било најдобро да му/ѝ возвратите со иста мерка, но секогаш попуштате и се надевате дека овој пат ќе биде поинаку.

Ако сонувате дека сте добиле торта

Кога во сон ќе добиете торта, тоа подразбира дека некој ве опсипува со внимание. Веројатно во прашање е личност која не ви се допаѓа. И покрај тоа што се труди, не успевате да го/ја засакате.

Бесни сте на себе затоа што мислите на некој што не му е грижа за вас.

Ако сонувате дека јадете торта

Ако во сон јадете торта, тоа значи дека ќе учествувате на гозба. Може да се случи да бидете поканети на забава која долго ќе ја паметите. Ќе запознаете интересни луѓе со кои ќе сакате да останете во контакт.

Ако сонувате дека правите торта

Доколку во сон правите торта, тоа укажува дека ќе имате гости. Веројатно ќе ви дојдат роднини што не сте ги виделе одамна. Ќе подготвите бројни специјалитети и ќе се трудите да правите нешто ново секој ден за да им биде интересно.

Ако сонувате дека украсувате торта

Кога во сон украсувате торта, тоа подразбира дека водите сметка за деталите. Вие сметате дека животот го прават малите нешта и дека тие можат да ви го разубават или да ви го расипат денот.

Бидете внимателни што зборувате и имајте обѕир кон другите поради што го очекувате истото од нив.

Ако сонувате дека некој друг јаде торта

Ако во сон некој друг јаде торта, тоа означува пропуштени шанси. Можно е некој да го постигне успехот што го посакувавте вие. Ќе имате чувство дека сè ви бега од рацете и ќе се прашувате што да направите за да го промените тоа.

Ако сонувате дека гледате роденденска торта со свеќички

Ако тортата која сте ја сонувале е роденденска, тој сон означува можност за стекнување нови пријатели и познанства.

Ако гледате торта на свадба или свадбена торта

Среќа, веселба, благосостојба, добивка. Во брзо време ќе ви тргне сè од рака.

Ако сонувате овошна торта

Покрај сето наведено во претходните варијанти, ако сте сонувале овошна торта тој сон означува здравје и долг живот. Алтернативно толкување за оние кои се помлади од 30 години и слободни е дека им претстои можност за љубовна романса во текот на следната пролет или лето.

Ако сонувате чоколадна торта

Чоколадна торта е најчестата верзија на торта што ни се појавува во соништата, а сонот го означува неодамнешниот хедонизам и уживање од непознат вид. Љубовно задоволство е можно, но и незаситност во јадењето и пиењето.

Ако сонувате фондан торта

Ако сонувате торта која првенствено е направена од фондан, тој сон означува дека треба да внимавате на лажните пријатели.

Ако сонувате торта на кат

Ако сте сонувале торта на кат, тој сон означува дека вашиот пат кон успехот води низ некои препреки. Можно е овие препреки да се знаење, пари или луѓе кои не сакаат да успеете.

Ако сонувате расипана или мувлосана торта

Ако сонувате торта која се расипала, црвлива или позеленета од мувла, тој сон значи дека ви поминале вашите пет минути и дека во блиска иднина ќе се воздржите од расправија со блиски или непознати луѓе, затоа што веројатно ќе ги изгубите таквите расправии и ќе си нанесете срам.

Ако сонувате дека тортата ви паднала

Ако сонувате дека носите торта и дека таа ви паднала или дека сте ја бутнале од масата, тој сон означува некаква загуба во реалноста. Можно е дека тоа ќе биде  финансиска загуба или загуба на пријател поради расправија или загуба на некоја материјална работа.

Сосема е неодредено за каква загуба може да се работи затоа што луѓе пријавувале загуби од некои ситници до финансиски загуби во форма на неплатени долгови.

Ако сонувате речиси изедена торта

Потребно е да научите да споделувате повеќе со пријателите и семејството. Секој ќе ве цени повеќе и вашиот живот ќе биде попријатен.

Значењето на сонот може да биде поедноставно. Доколку неодамна сте виделе, купиле, подариле, јаделе, сте направиле или сте украсиле торта, тоа сигурно ви оставило впечаток.

Дефиниција за торта

Торта е богат колач кој се состои од јајца, овошје, чоколадо, шлаг итн.