Злато - Соновник - најобемниот македонски соновник | Sonovnik - CRNOBELO.com


Злато

Term Main definition
Злато

Ако пронајдете: тага, несреќно наследство; ако ископате: залудно очекувате среќа; ако броите /давате: ќе изгубите драга личност; ако изгубите: некој од вашата непосредна околина ве изневерува.

Што значи кога сонувате злато?

Кога сонувате дека сте пронашле злато, тоа симболизира тага и несреќно наследство. Можеби сте преоптоварени со материјални вредности. За вас, тие се единствениот идеал кон кој се стремите. Се движите во друштво коешто ве цени само ако имате добар автомобил, стан или куќа.

Иако не сакате да размислувате за тоа, честопати се прашувате дали пријателите и партнерот ќе останат со вас ако немате толку многу пари. Ако имате постара личност во вашето семејство со која не сте во добри односи, постои можност тие да ви остават наследство на кое не сте се надевале.

Најдобро би било да заборавите на несогласувањата и доколку сè уште имате можност да ѝ посветите одредено време на таа личност.

Кога копате злато во сон, тоа значи дека вашите надежи се залудни. Работа што сте ја започнале со многу ентузијазам, не ги носи резултатите на кои сте се надевале. Обидете се да ги погледнете работите пореално и ќе разберете дека не е можно да се постигне огромен успех преку ноќ.

Ако сонувате дека броите или давате злато, тоа значи дека вашата сакана личност ќе ве напушти. Можно е да не сте ѝ посветиле доволно внимание на вашиот партнер или партнерка во последно време, што резултирало со ваква одлука.

Ако сакате помирување, ќе мора да работите повеќе и да ги промените лошите навики. Кога ќе изгубите злато во сон, тоа е предупредување дека некој од околината ве изневерува. Опкружени сте со многу луѓе кои се претставуваат како ваши пријатели. Можно е некој од нив да не се искрен и едвај чекаат да не успеете.

И покрај тоа што се познавате подолго време, луѓето се менуваат и немојте да бидете изненадени ако откриете работи за нив за кои не би можеле да поверувате дека се во можност да ги направат.

Дефиниција за злато

Златото е хемиски елемент кој го има симболот Au. Тоа е преоден метал мек, густ и сјаен.

Најчитани неделава

sonovnik-sidebar.jpg