Змеј - Соновник - најобемниот македонски соновник | Sonovnik - CRNOBELO.com


Змеј

Term Main definition
Змеј

Кога на сон ќе видите змеј, тоа е знак дека сте загрижени поради грешки што сте ги направиле на работа.

Што значи ако сонувате аждаја или змеј?

Сонови со змејови се почести кај младите отколку кај повозрасните, како и кај религиозни луѓе. Спаѓаат во ретки сонови. Вакви сонови обично се придружени со чувство на страв, нелагодност, возбуда и задоволство, во завиност од контекстот во кој се одвиваат.

Ако сонувате змеј

Кога на сон ќе видите змеј, тоа е знак дека сте загрижени поради грешки што сте ги направиле на работа. Можно е да сте имале лични проблеми кои предизвикале да бидете помалку концентрирани на работното место. Вашите претпоставени нема да имаат разбирање кон вас и ќе бараат да бидете на висината на задачата.

Ако работите на каса или на било кој друг начин работите со пари, веројатно ќе бараат од вас да го надокнадите недотатокот на пари кој настанал додека сте биле вие под надзор. Тоа ќе биде неочекуван удар за вас бидејќи долго време сте во незавидна финансиска ситуација. Многу ќе ве вознемири таа одлука и ќе бидете приморани да барате дополнителен извор на заработка за да ги покриете сите трошоци.

Змеј која фрла оган

Ако змеј фрла оган на вас, тоа симболизира кавга со ваша блиска личност. Ќе имате недоразбирање со некој кој многу го сакате. Тоа ќе ве доведе до препреки кои сериозно можат да го загрозат односот кој порано сте го имале. Обвинувањата кои ќе си ги упатите еден на друг ќе бидат тешки и озбилни. Ќе ве изненади што сè ви премолчела таа личност. Ќе дознаете од други дека често сте биле тема на трачеви. Многу ќе ве повреди расправата со таа личност и можеби ќе одлучите да го прекинете контактот на некое време.

Ако бегате од змеј

Кога сонувате дека бегате од змеј, значи дека сакате да побегнете од некој проблем кој долго време го ставате под тепих. Не сакате да се соочите со ситуацијата бидејќи во ситуацијата е вклучена и ваша блиска личност. Се плашите од нивната реакција и какви последици може да има тоа врз вашиот однос. Можеби наскоро ќе дојдете во ситуација да го решите тој проблем. Нема да ви биде пријатно, но ќе бидете свесни дека тоа е ваша должност и обврска.

Ако вие сте морско чудовиште

Ако сонувате дека сте морско чудовиште, тоа имплицира дека некој ве озборува. Можеби не сте популарни на работа или во семејството бидејќи предложувате промени кои сметате дека ќе донесат некакво подобрување. Ќе сфатите дека на луѓето им е полесно да кукаат и да се жалат на судбината отколку да ги земат работите во свои раце и да направат нешто корисно.

Ако луѓе бегаат од чудовиште

Ако сонувате повеќе луѓе како бегаат од чудовиште, значи дека ќе се најдете во незгодна ситуација или ќе доживеете некоја срамота. Можна е расправа со некој познаник, колега или работодавач која нема да биде онолку конструктивна колку што сте се надевале. Мора да се потрудите да не кажувате сè што ќе помислите, бидејќи тоа не може да ви донесе ништо добро.

Ако на сон не можете да го видите чудовиштето кое ве прогонува, но го чувствувате неговото присуство, тоа обично значи дека во реалноста се трудите да ги скриете вашите проблеми од другите. Сакајќи да ги заштитите од грижи луѓето кои ве сакаат, криете дека имате проблеми и не ги покажувате вашите слабости. Исто така, се обидувате да ги скриете слабостите за да не им дадете повод на непријателите да ги искористат против вас.

Ако чудовиштето се обидува да ве изеде

Ваков сон симболизира осаменост. Можно е последниот период свесно или несвесно да избегнувате друштво. Можеби некое време ви одговарало тоа, но време е да почнете да комуницирате со луѓе кои не се ваши роднини или колеги од работа. Ви недостасува забава и возбуда во животот.

Ако убиете чудовиште

Ако сонувате како убивате чудовиште или змеј, тоа значи дека постепено ќе почнете да ги решавате вашите проблеми. Ќе успеете да го канализирате стресот предизвикан од премногу грижи така што ќе ги одредите вашите приоритети. Конечно ќе одлучите да го организирате вашиот живот онака како што вам ви одговара, без притисоци од партнерот, семејството или пријателите. Ќе донесете одлука да ги земете работите во свои раце и ќе престанете слепо да ги следите советите од околината. Можна е промена на работното место, а за оние кои се невработени, можна е понуда која вреди да ја прифатите.

Ако некој друг убива чудовиште

Ако во сон некој друг убива чудовиште, значи дека во вашиот живот конечно ќе се појави некој кој ќе ја превземе улогата на ваш заштитник. Ако до сега сте се грижеле за многу работи сами, сега ќе добиете помош од личност на која многу и верувате и која знае што прави. Тоа ќе ве спаси од многу неприлики и ќе ви даде малку време и простор да мислите на себе, а не само на другите.

Ако зборувате со змеј

Сон во кој зборувате со чудовиште се толкува како скриени чувства кон некој. Можно е потајно да сте заљубени, но поради страв да не сакате да и признаете на таа личност. Од друга страна, некој во таа врска е недостапен – или вие или тој/таа, што дополнително ви создава морална дилема. Ќе се најдете пред предизвик дали да го послушате срцето или разумот.

Ако бакнете змеј

Било каква интимна врска со чудовиште симболизира чувство дека личноста која ја сакате не ви посветува доволно внимание. Ако сте во врска која на некој начин не е формализирана или пак тајна врска, сонот се толкува и како желба да се излезе од тој однос бидејќи не ги задоволува вашите потреби. Потсвеста ви кажува дека заслужувате некој што ќе ве сака и цени,  но вие се плашите да го изгубите она што сега го имате. Сепак, имајте на увид, дека лоша емотивна врска може да биде погубна за останатите сегменти од вашиот жиот.

Крик на змеј

Ако на сон слушнете крик на змеј, значи дека во реалноста ве загрижуваат неподмирени долгови. Ве загрижува лошата финансиска ситуација, а обврските се наголемуваат. Не сте сигурни кој е најбезболниот начин да ги решите проблемите, па посегнувате по непопуларни методи како што е кредит или позајмица под лоши услови. Иако во моментот тоа ви изгледа како најдоброто можно решение, размислете добро бидејќи сè понатаму ќе ви зависи од тоа.

Овој сон може да има и уште едно значење. Можно е некој да ви долгува пари, но никако не се во можност да ви ги вратат парите. Колку и да имате разбирање за таа личност, ќе барате да ви го врати долгот бидејќи и самите во моментот се наоѓате во незавидна ситуација.

Ако дете сонува чудовиште

Ова е многу чест сон кај децата, со оглед на тоа што често гледаат цртани филмови во кои се појавуваат различни чудовишта. Доколку тоа не е случајот, тогаш сонот се толкува како некој облик на грижи или проблеми со кои се соочува детето, а не може да најде начин како да ги образложи.

Ако пред спиење сте гледале филм во кој се појавуваат чудовишта, сонот не се толкува бидејќи вашата потсвест процесира сè што сте гледале претходно.

Дефиниција за змеј

Аждаја или змеј е огромно и незаситно митско чудовиште со огномна сила. Друг назив за аждаја е чудовиште.

Најчитани неделава

sonovnik-sidebar.jpg