Каде по ѓаволите е Мет!?

Не можеме ни да ги наброиме сите места на кои Мет има танцувано. Ова е приказната за човекот кој ја развесели цела планета и кој продолжува...

...да шири оптимизам насекаде низ светот. Го чекаме во Македонија!

Си бил еден млад успешен дизајнер на видео игри. Еден ден тој се разбудил и посакал да го шета светот. Си направил веб страна за неговите роднини и пријатели да можат во секое време да видат каде се наоѓа.

Знаејќи го неговиот специфичен начин на танцување, еден пријател му предложил да го снима како игра. Танцот им се видел интересен на многу луѓе кои го погледале видеото. Еден ден Мет добил понуда од една компанија да сврти крукче низ светот и да се снима додека си игра на различни места. Е ова е понуда што не се одбива! За 6 месеци Мет прошетал 39 држави на 7 континенти!

Читајќи ги мејловите што му пристигнуваат од сите страни на светот, тој сфаќа дека е потребно да направи уште еден круг околу светот за да танцува во друштво. Токму тоа и го прави. Овој пат патува 14 месеци и танцува со мештаните од 42 земји.

Сепак, не постои нешто толку добро на што мрчаторите не можат да му најдат маана. По коментарите дека видеата се лажни и се работи за монтажи Мет одговора со откривање на сите користени трикови. А неговото „признавање“ завршува со заеднички танц со публиката :)

Оваа неверојатната приказна што наликува на современа бајка покажува дека штом се сака сѐ се може. И дека е навистина добро да се водите од она „танцувај како никој да не те гледа“, дури и кога те гледаат милиони на youtube.

Мет танцува под вода во ресторан во Дубаи

Свесен дека проблемите во светот нема да исчезнат, со својата авантура Мет сака да покаже дека нашата планета и не е толку страшна и небезбедна како што почнавме да мислиме.

Вели дека ужива да одговара на прашањето „Како успеа да влезеш во Северна Кореја!?“. Не само што било многу едноставно да ја посети, туку и одлично си поминал танцувајќи со локалното население.

Мет сѐ уште е оптимист, сѐ уште патува, сѐ уште танцува и на сите ни порачува дека малку глупирање не е на одмет.

З.П. | Црнобело

Би можело да ве интересира:

Вo Македонија „промајата“ е опасна по здравјето – Необични верувања и бон-тон правила во европските ... Во Италија е „зло“ да ставите пармезан на пица, додека во Албанија е нормално да...

Работи што ќе ги разберат само оние кои живеат сами Многумина мислат дека оние кои живеат сами се многу осамени, но реалноста е мног...

Знаци дека вашата пријателка е во насилна врска (и можеби ѝ треба помош) Партнерот не ѝ дозволува да излегува со вас, нагло го променила стилот на облеку...

Сѐ за царскиот рез: Колку пати смеете вака да се породите и дали е полесно од природното породување? Како се прави царски рез? Дали е подобра опција од природното породување? Како п...

Љубовните афери кои британското кралско семејство сака да ги заборавиме Аферата на принцот Ендру со актерка од еротски филм, но и двете афери на принцез...

Фотки што докажуваат дека Данска е земја како никоја друга Телевизија која организира бесплатни проекции на филмови на отворено, улици кои ...