Нов Зеланд - рај на земјата
Кога станува збор за место со неверојатна природа, пријатна клима и чиста околина, Нов Зеланд е неприкосновен. Ако некогаш успеете да ја посетите...
...оваа исклучителна земја, ви предложуваме неколку места кои мора да ги посетите.
10. Kaikoura е гратче окружено со високи планини чии врвови се покриени со снег во поголем период од годината. Ова е едно од ретките места на светот каде китовите, делфините и ајкулите може да се видат во текот на целата година.
9. Coromandel Peninsula е регион кој изобилува со прекрасни песочни плажи. Тука е сместена и термалната плажа со исклучително топла вода. Се што треба да направите е да ископате дупка на плажата, да чекате да се исполни со вода и добивате природно термално џакузи (лежи на вулкан). Плажите се окружени со дождовни шуми специфични по едно од највисоките стебла на светот (20 метри).
8. Националниот парк Tongariro е еден од најстарите паркови на светот. Во него се сместени три активни вулкани. Пешачењето низ паркот е прогласено за едно од 10-те најубави во светот.
7. Националниот парк Westland е познат по двата големи глечери кои се сместени најблиску до работ на океанот. Единствено место каде може да видите и глечери и дождовни шуми.
6. Националниот парк Mt Cook е прекрасно подрачје со едно од најдолгите ски терени на глечерот Тасман. Голем дел од паркот е покриен со снег, а останатиот дел со прекрасни виолетови цвеќиња.
5. Bay of Islands е суптропско подрачје со прекрасни плажи и бујна вегетација. Ова подрачје има 150 плажи и скриени заливи погодни за истражување на богатиот растителен и животински свет. Морето е богато со китови, делфини и пингвини.
4. Rotorua е познато подрачје по вулканските активности и бројните геотермални извори окружени со прекрасни пејзажи. Крајот е познат по гејзерите, вулканските карпи и кратери.
3. Queenstown е подрачје кое е идеално за авантури во природа. Градот е окружен со планини, а сместен е покрај големо езеро. Ова е хит туристичка дестинација на Нов Зеланд. Ако сакате адреналински доживување овде може да се качувате, да одите на парасејлинг, рафтинг и останати бројни активности. Ова е исто така и најјужно место за скијање на светот.
2. Националниот парк Abel Tasman е најмалиот парк кој има најмногу сончеви часови во годината и најубави плажи на земјата.
1. Националниот парк Fiorland е еден од најубавите природни феномени на светот. Планини, фјордови, дождовни шуми... се на едно место. Токму тука е снимен и еден дел од “Господарот на прстените“.
Би можело да ве интересира:
Препорачуваме
Најчитани неделава
