Змија - Соновник - најобемниот македонски соновник | Sonovnik - CRNOBELO.com


Змија

Term Main definition
Змија

Голема: имате голем негативец во близина, загуба; мала: ќе се лутите на некого; ако ве касне: ќе бидете клеветени, болест; ако ја убиете змијата: ќе ги победите противниците, успех на сите полиња, дури и во љубовта; повеќе змии: кратка непријатност; ако нападнете змии: опасност, болест, понекогаш смрт.

Што значи кога сонувате змија?

Соништата со змии се многу ретко позитивни. Ако видите една или повеќе змии во сон, обично значи дека се соочувате со некоја опасност, катастрофа или лош период во животот.

Тие исто така можат да укажуваат на проблеми со пријателите и блиското семејство, особено маж или жена.

Ако сонувате голема змија

Ако сонувате голема змија, тоа се толкува како предупредување да бидете внимателни затоа што има некој околу вас кој не ви посакува добро. Секој ви кажува дека треба подобро да ги оценувате луѓето за да се заштитите од непријатни ситуации. Кога ви се допаѓа некој на прв поглед, веднаш му давате целосна доверба.

Се лутите на оние кои го сакаат најдоброто за вас, а понекогаш грубо во лице ви кажуваат што мислат. Не сфаќате дека е поискрено отколку да ви кажуваат сè најдобро и да ве исмеваат зад грб.

Ако сонувате мала змија

Ако видите мала змија во сон значи дека ќе имате непредвидени трошоци. Премногу сте дарежливи, а некој од околината ќе го злоупотреби тоа и ќе ви наштети.

Најверојатно ќе биде случајно, но вие сте свесни дека ако попуштите и овој пат, па луѓето ќе продолжат да ве искористуваат.

Ако сонувате дека ве каснала змија

Ако сонувате дека змија ве каснала, тоа подразбира дека некој ќе ве клевети. И покрај тоа што не им замерувате на луѓето, секогаш постои некој што не го сакате.

Не водите сметка кому ќе му зборувате за вашите интимни работи. Можно е да им се доверите на блиски пријатели, но постои опасност тие да ги откријат тајните што ги криете од јавноста.

Ако сонувате дека сте убиле змија

Ако ​​убиете змија во сон значи дека ќе ги победите своите непријатели. Можете да се опуштите затоа што конечно ќе излезете како победник на сите полиња. На работа, ќе докажете дека сте подобри од конкуренцијата и дека заслужувате да напредувате. Успехот ве очекува и на љубовниот план.

Личноста што ви се допаѓа ќе види дека сте нејзина сродна душа.

Ако сонувате мртва змија

Ако видите мртва змија во сон, ќе славите пред да се надмине кризата или по повод некој важен настан. Исто така, може да значи дека премногу се грижите за некои проблеми што ве вознемируваат.

Ако сонувате повеќе змии

Ако сонувате повеќе змии предупредува дека ве чекаат малку непријатности. Често се случува да зборувате премногу пред луѓе кои малку ги познавате или не им верувате. Можно е вашите зборови да се свртат против вас и со тоа да ви создадат проблеми.

Ако сонувате дека напаѓате змија

Напад на змии во сон е лош индикатор. Можеби сте слушнале дека некој има здравствени проблеми, особено ако станува збор за постара личност.

Ако сонувате дека една или повеќе змии ве напаѓаат вас

Ако сонувате дека ве напаѓа змија или повеќе од нив, тоа значи дека имате многу непријатели кои не мируваат. Тие ви завидуваат и не ви посакуваат добро во животот. Треба да се дистанцирате од таквите луѓе, бидејќи дружејќи се со нив, ја храните само нивната злоба, што не може да се покаже добро за вас.

Ако сонувате шарена змија

Некои луѓе кои ги сметате за непријатели всушност не ви се, додека некои луѓе коишѕто ги сметате за пријатели, не ви се.

Ако сонувате црна змија

Смрт во поширокото семејство, или роднината на некој од вашите пријатели ќе умре.

Ако сонувате сива змија

Ќе се најдете во ситуација да не можете да разликувате пријатели од непријатели.

Ако сонувате црвена змија

Вие не треба да се занимавате со политика, бидејќи оттаму е многу тешко да се излезе како победник. За оние кои веќе се занимаваат со политика, претстои претстои несреќа.

Ако сонувате бела змија

Болест во семејството. За среќа, не е опасно и претерано.

Ако сонувате зелена змија

Живеете во нездраво опкружување, треба повеќе да се грижите за хигиената на вашиот личен простор, како што е вашиот стан или куќа.

Змија на прагот или во дворот или дури и во куќата

Имате личност блиска до вашето семејство којашто се претставува дека е нешто што не е. Веројатно мисли едно, а друго зборува. Треба да бидете внимателни кои семејни тајни ги кажувате пред познаници и пријатели.

Ако сонувате водена змија

Треба да избегнувате пливање во реки и езера. Ако, пак, не го сакате ова, треба да бидете повнимателни затоа што постои зголемена можност за повреда.

Ако змијата зборува во вашиот сон

Ако змија ви зборува во сон, пријател ќе се обиде да ве убеди да направите нешто што нема да ви излезе многу добро.

Ако држите змија во вашите раце во сонот

Вие сте свесни за лицемерието на некој ваш пријател. Затоа, неговите или нејзините постапки нема да влијаат врз вас и вашиот живот.

Ако сонувате змија во шумата или шумска змија

Не можете да препознаете непријател меѓу пријателите. Обидете се да се консултирате со вашето семејство за вашите сомнежи околу одредени луѓе и тие ќе ви помогнат да ги решите сомнежите во вашата глава.

Ако сонувате змиски јајца

Вашите постапки и делата што ги правите сега ќе ви донесат непријатели во иднина.

Значењето на соништата може да се поедностави. Ако сте гледале змии на телевизија или сте слушнале некој како зборува за нив, можно е да ви е врежано во потсвеста, па затоа сте ги сонувале.

Дефиниција за змија

Змија е ладнокрвен рептил кој нема нозе. Таа е поврзана со гуштерите со кои ја формира најбројната група влекачи.

Најчитани неделава

sonovnik-sidebar.jpg