ТРЕНДИНГ (24ч.)
Нови хит ТВ серии
Ја нема секој таа среќа да живее во земја каде телевизиите откупуваат турски и индиски серии на големо. Некаде програмата редовно се освежува и...
...има по нешто за сечиј вкус.
Покрај втората сезона на Game of Thrones еве што ќе се гледа низ светот оваа година:
По Lost легендарниот продуцент J.J. Abrams ни носи нов возбудлив трилер Alcatraz:
Grimm е надреална детективска драма. Бајките што сите ги знаеме не биле само приказни, тие биле предупредувања!
По сообраќајката на брачен пар и нивниот син, сопругот во Awake живее во две паралелни реалности. Една каде сопругата преживеала, а синот загинал, и друга каде синот е жив, а сопругата мртва.
Во Touch вдовецот Кифер Сатерленд открива дека неговиот аутистичен син има необични способности и умее да ја предвидува иднината.
Љубителите на мјузикли ќе уживаат во Smash, приказна за девојка со прекрасен глас која добива шанса да стане ѕвезда во мјузиклот за Мерилин Монро. Анџелика Хјустон и Дебра Месинг се само дел од звучните имиња во новата серија на NBC.
По раскинувањето, слатката и откачена Зои Дешанел се вселува со тројца цимери кои не ги познава. New girl е една од најзабавните нови серии.
Од оригиналниот наслов Не ѝ верувај на кучката во стан 23, остана само последниот дел Apartment 23, но ништо не е скратено од сплетките и смешните ситуации меѓу двете цимерки во Њујорк.
Официјално, GCB е кратенка за Добри христијански убавици иако оригиналниот наслов бил Добри христијански кучки. Зад серијата за новите Очајни домаќинки всушност стојат креаторите на Сексот и градот.
По Project runway со Хајди Клум доаѓа Fashion star со Ел Мекферсон. Модното реално шоу е во потрага по новиот голем бренд, а 14 дизајнери ќе се натпреваруваат за мултимилионскиот договор што вклучува продажба на нивните колекции низ најголемите ланци на бутици меѓу кои и H&M. Со совети ќе им помагаат и Џесика Симпсон и Никол Ричи.
Ако имате врски во некоја од нашите телевизии слободно препратете им ја листата и замолете ги дадат нешто ново и да не се мачат да го синхронизираат на македонски :)
З.П. | Црнобело
Би можело да ве интересира:
Препорачуваме
Најчитани неделава
