Позитивни луѓе околу вас!

Во животот на секој од нас постојат некои личности што се многу позитивни, не инспирираат; по дружењето со нив се чувствуваме полни со енергија.

Постојат и негативни, вечно незадоволни, кои не исцрпуваат и практично ни ја „крадат“ животната енергија.

Кога работите така ќе се постават, се наметнува логичен заклучок со кого треба да се дружиме?

Секако, тоа не е секогаш лесно. Оние негативните, од кои некои се вистински енергетски вампири, може да бидат луѓе од кои тешко можеме да се изолираме – колеги на работа со кои сме секој ден, блиски членви на семејството и роднини, комшии врата до врата, кои како да „висат на шпиунката“ по цел ден и само чекаат да ја отвориме вратата и да почнат муабет со нас....

Кога тие негативни луѓе се некој што ни е нам близок имаме чувство на вина поради желбата да ги „откачиме“. Кој сака да биде во друштво на личност која што редовно ќе прави да се чувствуваме како претепани?

Не секогаш е можно да се ослободиме од негативните луѓе, но нивното присуство во сечиј живот треба да се сведе на минимум и тоа без грижа на совест.

Со доволно упорност може по максимум 15 минути дружење да им се каже: „Извини, но навистина морам да одам“ (денес кога сите се преотеретени со обврски, тоа не звучи неуверливо-сите постојано некаде брзаат); така да никој не може да ве обвини дека го избегнувате, а вие ја смалувате количината на емотивен отров во својот живот.

Кога се во прашање позитивните луѓе, оние во чие друштво се чувствувате среќно и задоволно, а по дружењето со нив сте полни со енергија, треба да им посветите што повеќе време. Вреди и да ги измените своите планови само за да имате што повеќе време за нив, вреди да се потрудите и тие да се чувствуваат пријатно со вас и да сакаат да бидат во ваше друштво.

Немојте да чувствувате вина ако не одговорите на пораката на некој што ви се обраќа само кога нешто му треба (а му треба постојано). Избегнувајте такви, без оглед на жалопојките дека навистина им треба ова или она (секому нешто му треба, не мораат секогаш вас да ве тормозат).

Наместо ним, посветете им го драгоценото време на оние што навистина се грижат за вас, за кои што знаете дека со задоволство ви помагаат и со кои се чувствувате убаво.

Така, не само што ќе се чувствувате многу подобро, повесело, попријатно и исполнето со позитивна енергија, туку и ќе им го возвратите вниманието на оние што го заслужуваат тоа.

Би можело да ве интересира:

Цисти на јајници: Симптоми и начини на лекување - дали влијаат врз забременувањето и кога е потребна... Силна болка во стомакот и грбот, подуеност, брзо и плитко дишење, зачестено мокр...

Влакна на стомакот кај жените: Како да ги отстраните и зошто се појавуваат? Генетика, возраст, но и хормонални промени од разни нарушувања или фази од живот...

Симптоми за рак на мочниот меур кои не треба да се игнорираат Крв во урината, како и болка во долниот дел од грбот се симптоми кои можат да би...

Жени кои на 30 години дознале дека имаат АДХД ги откриваат симптомите: „Зборување без престан, тешко... „Отсекогаш се чувствував поразлично од другите, секогаш се чувствував како чудак...

Сѐ за миомите на матката - Mоже ли да се претворат во карцином и дали влијаат врз бременоста? Миомите може да ја зголемат матката и до 10 пати, а во исто време може да имате ...

Природни лекови за воспалени мускули + зошто се јавува болка по вежбање? Не постои волшебен лек што веднаш ќе ја намали болката во мускулите по вежбање, ...