Бик
 20.04-20.05

Љубов	Работа	Здравје

16 до 22 септември 2024

Љубов: Биковите оваа недела ќе бидат под влијание на партнерот, кој станува сè подоминантен во меѓусебниот однос. Иако ќе се трудите да ја задржите стабилноста во врската, не се исклучуваат помали конфликти. Слободните во овој период можат да привлечат енергични и самоуверени луѓе.

Работа: Ви претстои позитивен период, особено во решавањето на практичните проблеми со помош на соработниците, од кои многумина се подготвени беспрекорно да работат за вас. Станувате попрактични во донесувањето одлуки поврзани со новата работа. Цела недела ќе се подготвувате за она што доаѓа за време на викендот.

Здравје: Не дозволувајте да ве зафати меланхолија. Не ги игнорирајте сигналите за преоптоварување и променете ја исхраната доколку е потребно. Приспособeте ја вашата дневна рутина со воведување поздрави навики.

Совет: Верувајте во подобро утре.

Бик
 20.04-20.05

септември 2024

Работа: Околностите поврзани со вашата деловна ситуација постојано се менуваат и во исто време носат бројни шанси за промена. Ако сте невработени, фокусирајте се на странски компании, бидејќи таму можете да имате повеќе успех. Ќе бидете фокусирани најмногу на парите и заработката, а во вториот дел од месецот има многу поповолни можности да заработите нешто покрај основната работа. Можете почесто да патувате поради работа, но и повеќе да се движите и да ги комплетирате важните документи. Доколку имате приватен бизнис, ќе бидете фокусирани на одредени промени кај вработените. Од средината на месецот внимавајте како комуницирате, бидејќи можен е проблем со еден пријател, но и крај на пријателството.

Љубов: Напнатоста која веќе ја чувствувате ќе се засили и ќе има големо влијание врз вашиот емотивен живот. Доколку сте во брак или во посериозна врска, емоциите ќе бидат на удар во секоја смисла и ќе мора да се фокусирате на решавање на проблемите, особено во првиот дел од месецот. Во вториот дел од месецот работите полека се смируваат, внимавајте како се однесувате со партнерот и како тој се однесува со вас. Измерете го квалитетот на врската во однос на тоа колку се поддржувате еден со друг и колку сте спремни да направите разни отстапки. Нови прилики за љубов ги очекуваат слободните припадници на знакот. Само внимавајте да не се заљубите во личност која е веќе земена. Можете да запознаете некого преку работа или роднина.

Здравје: Избегнувајте слатки и внимавајте на својот изглед. Вклучете редовно вежбање и размислете за воведување нови методи, како и приспособување на навиките во исхраната, за да ја подобрите вашата благосостојба. Слушајте ги сигналите на вашето тело и одвојте доволно време за одмор и релаксација за да го одржите оптималното ниво на енергија.

Бик
 20.04-20.05

2024

Новата година ќе ја започнете одлучно и решително и главна цел ќе ви биде да ја земете „судбината во свои раце“ и да дадете сè од себе за да ги остварите замислените цели.

Новата година ќе ви донесе успех и просперитет на секој план, но и ќе мора да научите некои важни лекции за тоа како да ги одржите на ниво постигнатите резултати.

Клучот за успех ќе ви биде внимателното планирање, а ќе мора да научите дека не смеете да претерувате и дека за да се задржите на посакуваното ниво, неопходно ви е да бидете дисциплинирани и истрајни.

Можна е промена на кариерата, или некое унапредување, а здравите животни навики што ќе ги воведете ќе ви помогнат да блескате и однадвор и одвнатре.

Работа и финансии

На почетокот на годината можно е да одлучите да ја промените кариерата или да направите некоја промена што ќе ви донесе поголема заработка. Благодарение на шармот и одлучноста, ќе имате можност да ги остварите целите на поле кариера.

Ќе имате можности за успешна соработка со други лица и проекти што ќе ви донесат напредок во кариерата и признанија.

Сè ќе биде во ред доколку бидете пофлексибилни и се обидете да не пружате постојан отпор кон промените. Запомнете, добро е тоа што посакувате стабилност, но некогаш е потребно да ги прифатите и туѓите мислења и ставови и да покажете дека можете да се приспособите и на новонастанатите ситуации.

Новата година ќе ви донесе голем успех на финансиски план. Можете да очекувате позитивни резултати од целиот напорен труд што сте го вложиле во изминатите години и конечно ќе чувствувате дека постојат шанси да си обезбедите постабилна и посигурна финансиска иднина.

Ќе имате и голем број нови можности за заработка, а секоја мудро донесена одлука на ова поле ќе резултира со успех.

Но, важно ќе биде да не заборавите дека парите се заработуваат тешко, а многу лесно се трошат. Ќе мора да бидете внимателни и да не се впуштате во импулсивни трошоци и да не дозволите да ве поведат моменталните позитивни случувања, па да почнете да се растурате во луксуз и непотребни трошоци.

Иако работите ќе изгледаат позитивно, тоа нема да значи дека треба да се откажете од креирањето стратегии и внимателното трошење со цел да останете на вистинскиот пат во остварувањето на соништата.

Љубов

Ако сте сингл, во текот на наредната година ќе имате голем број додворувачи кои нема да можат да му одолеат на вашиот шарм и на приземноста.

Во текот на годината ѕвездите ќе ви бидат наклонети на поле љубов, а единствено ќе треба да бидете храбри и да не се плашите да ги остварите сопствените желби и фантазии. Бидете одлучни и не отстапувајте од сопствените барања и не прифаќајте компромиси само за да не останете сами.

На крајот ќе сфатите дека чекањето ќе се исплати и многу веројатно е да ја запознаете вистинската личност со којашто ќе сакате да започнете сериозна врска.

Ако сте во врска, очекувајте годинава да ве водат интензивни и силни емоции: ова ќе биде година во која ќе ве води страста, желбата за напредување и создавањето на трајни врски.

Ќе водите сметка и за големите гестови, но и за ситните детали и целта ќе ви биде со партнерот да изградите што е можно поцврста и посилна врска. На крајот ќе бидете среќни затоа што сте успеале да постигнете поголема меѓусебна доверба.

Дозволете срцето да ве води и нема да погрешите. Ѕвездите во текот на следната година ви ветуваат магични средби, поголема поврзаност и безгранична љубов.

Ако, пак, сте во брак, ќе треба да научите да не дозволите ситните расправии да прераснат во големи проблеми заради вашата тврдоглавост и непопустливост.

Сфатете дека секое недоразбирање е можност да научите нешто ново и може да ви помогне да изградите похармоничен однос со партнерот. Лојалноста и практичноста ви се силна страна, но неопходно е да научите да бидете пофлексибилни и да прифатите компромис.

Здравје

Во 2024 ѕвездите ви се наклонети на секое поле и ќе зрачите и однадвор, но и одвнатре. Ќе почнете да водите повеќе сметка за своето физичко и ментално здравје и тоа ќе биде забележително.

Сепак, запомнете дека сè што правите треба да биде умерено и дека нема потреба да претерувате. Одлучни сте, но потребно е да бидете умерени и да не претерувате со новите здрави навики што сакате да ги воведете.

Сè на сè, годинава нема да имате поголеми здравствени проблеми, и иако планирате целосно да се посветите на здравиот начин на живот, не заборавајте понекогаш да си дадете можност да уживате и во вашите слатки задоволства кои ве прават среќни.