Јарец
 22.12-19.01

Љубов	Работа	Здравје

16 до 22 септември 2024

Љубов: Јарците оваа недела влегуваат во поповолен период, па може да им се случат пријатни работи и на емотивен план. Оние кои се во врска ќе имаат стабилен однос со партнерот, под услов партнерот да го преземе водството. Слободните припадници на знакот најмногу нови познанства ќе остварат преку пријателите.

Работа: Се наоѓате во период на подготовка за тоа што најверојатно ќе се случи. Ментално сте активни и правите големи планови во врска со вашата нова работа. Вашата амбиција и желба да постигнете повеќе отколку што физички можете да поднесете може да ве доведат до фаза на исцрпеност.

Здравје: Тргнете се од токсичните луѓе, а ако морате, тргнете се од сите. Поминете време сами, во природа, покрај вода, во шума и направете ментална и емоционална детоксикација.

Совет: Прошетајте пред спиење. Спиењето ќе биде поквалитетно.

Јарец
 22.12-19.01

септември 2024

Работа: Во овој месец ситуацијата ќе биде мирна. Работата ќе оди по свое темпо со зголемена комуникација со претпоставените. Правете сè што сакате, но не стојте во место. Дајте си повеќе обврски и добро организирајте се и почитувајте ги сопствените правила и за еден месец ќе направите многу. Движете се и не плашете се од промени. Може да потпишете и договор за еден месец, особено во првиот дел од месецот. Во вториот дел од месецот повеќе ќе бидете фокусирани на парите и начините на заработка. Ова особено може да ве оптоварува, па дури и да ги налути луѓето околу вас. Доколку имате приватен бизнис, во втората половина од месецот внимавајте да не погрешите, бидејќи тоа ќе ви биде непотребен удар по џебот.

Љубов: Можете да очекувате големи емотивни промени, без разлика дали ги сакате или не. Ќе се водите пред сè од страстите и потребата, што е сосема невообичаено за вас. Внимавајте да не донесувате никакви одлуки преку ноќ, може да зажалите. Љубовта доаѓа во првиот дел од месецот преку пријателите, но љубовта можете да ја најдете и во пријателството. Околу средината на месецот ќе решите љубовен проблем, но и ќе ставите точка на врската. Во вториот дел од месецот може да влезете во тајна врска или да се обидете да скриете нешто важно од партнерот. Кон крајот на месецот бурните чувства ќе се смират и работите полека ќе се нормализираат. Ако сте во брак или во долга врска, обидете се да ја одржите стабилноста и покрај многуте предизвици.

Здравје: Внимавајте да не се повредите и обидете се да ја контролирате нервозата која доаѓа од работата. Имајте на ум дека целта не оправдува никакви средства и држете се до етичките и моралните импликации на вашите постапки, особено кога се стремите кон големата цел на крајот од патувањето. Во поглед на здравјето, генерално сте добро.

Јарец
 22.12-19.01

2024

Новата година ќе ви донесе безброј можности да го изградите животот за којшто отсекогаш сте сонувале.

Подгответе се за значителен напредок на професионално поле, а со тоа и поголема заработка.

Оние кои се во врска ќе го зајакнат односот со партнерот, а оние кои се сингл најверојатно ќе ја сретнат својата сродна душа.

2024-та ќе ви ги прошири хоризонтите и ќе ви даде можност да се откриете себеси и да се трансформирате во личноста којашто отсекогаш сте сакале да бидете.

Ако успеете да направите рамнотежа помеѓу работата и приватниот живот, дефинитивно ве очекува една од најдобрите години досега.

Кариера и финансии

Во 2024-та можете да очекувате голем напредок на професионално поле, а со тоа и подобрување на финансиската состојба.

Вашата прагматичност, но и дисциплината и посветеноста кон целите ќе ви бидат како тајно оружје.

Очекувајте бројни можности за финансиски раст и стабилност преку унапредување, инвестиции, па дури и неочекувана добивка.

Единствениот проблем може да биде вашата флексибилност.

Односно, ќе настојувате да ги следите вашите планови по секоја цена, дури и кога ќе ви биде јасно дека можеби се осудени на пропаст.

Ќе ви биде предизвик да направите рамнотежа помеѓу она што го сакате и реалноста.

Во некои моменти, поголемата одговорност ќе ви стане проблем, а ова се периоди кога може да се соочите со помали финансиски проблеми.

Од особена важност е да најдете баланс – да работите кон вашите цели, но да не си дозволите да „прегорите“ и потоа да немате сила за ништо.

Пресметаните ризици можат да ви донесат награди, но не заборавајте секогаш детално да истражите, па дури и да побарате професионална помош.

И покрај поголемата заработка, немојте да го надминувате вашиот буџет и донесувајте паметни одлуки кога станува збор за парите.

Најмногу придобивки ќе чувствувате ако планирате стратешки – поставете јасни цели и направете план. Но, кога ќе почувствувате потреба, направете и промена на плановите.

Проширете го кругот на познаници, одете на настани, разговарајте со поискусни и пробајте да го впиете целото знаење и целото искуство што ќе ви биде понудено.

Бидете подготвени за големи промени, најмногу позитивни, и бидете отворени да истражувате нови работи и да пробувате нови нешта.

Љубов

Годинава, на љубовен план животот ќе ви биде како романтичен роман со многу страсни мигови и по некој неочекуван пресврт.

Ако сте во врска, вашата посветеност ќе ви биде супермоќ која ќе ви помогне да го зајакнете односот со партнерот.

Очекувајте бројни романтични моменти со партнерот, но и многу можности за заеднички раст и развој. Ако комуницирате отворено, со саканата личност ќе можете да ја надминете секоја бура.

Сепак, големата посветеност на професионалниот живот може да донесе проблеми во врската. Многуте обврски можат да ја „убијат“ спонтаноста во врската ако го дозволите тоа.

Можни се недоразбирања со партнерот, особено во миговите кога ќе ви се чини дека сте преплавени со други обврски.

Во тешките мигови, наоѓајте време за искрен и отворен разговор со партнерот бидејќи комуникацијата ви е најсилното оружје.

Планирајте романтични состаноци, приредувајте си изненадувања или, едноставно, само уживајте во заедничките мигови. Сето ова ќе ви помогне да ја зачувате страста.

Ако сте во потрага по нова љубов, новата година ќе ви го донесе токму тоа.

Очекувајте длабока емотивна поврзаност со некоја личност со која ќе започнете врска. Оваа личност ќе ве поддржува, ќе ве цени и сосема можно е да стане вашата сродна душа.

Дури и ако сте сингл, не треба да дозволите професионалните обврски да ве одвлечат од љубовниот живот.

Здравје

Новата година ќе ја започнете во добра форма – и физички и ментално.

Дисциплината во добрите животни навики ќе ви помогне да го одржувате здравјето.

Ќе бидете полни енергија и ќе се посветите на тоа да си ја подобрите благосостојбата. Ќе се чувствувате поживо и подобро од претходната година.

Но, можат да се јават и проблеми, најмногу поради бројните обврски.

Ако не наоѓате време за одмор и релаксација, брзо ќе почнете да ги чувствувате последиците.

Ќе има мигови кога ќе ви биде тешко да направите рамнотежа помеѓу приватниот и професионалниот живот.

Ако дозволите стресот да ве надвладее, можно е да изгубите мотивација да ги следите здравите животни навики.

Во овие мигови пробајте да внимавате барем на исхраната и да одвојувајте доволно време за одмор.

Генерално, ако водите добра грижа за себе, здравјето нема да ве изневери. Ако почнете да се запоставувате, немојте да бидете изненадени доколку не се чувствувате најдобро.