Грозјето го лечи целулитот

Кремите и маските од грозје и одговараат на кожата, а сега ги има во изобилство на пазарите. Негувајте се со грозјето додека го има во изобилство.

Грозјето подмалдува и го разбива целулитот, а купките од вино го опуштаат организмот.

Одамна се знае дека антиоксидансите од виното и грозјето се чувари на здравјето, но неодамна е откриено дека ресвератрол, состојка на виното и грозјето, е составен дел на „молекулот на младоста и убавината“.

И додека тие делуваат благотворно однадвор, со јадење и пиење треба да се внимава.

Би требало да се испијат неколку стотини литри вино дневно и да се изеде цело лозје за да ресвератрол-от ни ги затегне борите, а тоа веќе не е добро.

Затоа, многу козметички куќи ја употребија оваа состојка во серумите за подмладување, па вие или мачкајте ги кремите или пак употребувајте природни маски - сигурно ќе има ефект.

Пакување против целулит

Помешајте четири лажици масло од семки од грозје со пет капки масло од лимон. Измасирајте ги критичните места, завиткајте се во фолија и останете така 30 минути. Витаминот Ц ќе ја активира разградбата на маснотии и ќе го зајакне сврзното ткиво, додека термоефектот на фолијата ќе го зголеми дејството.

Лек за мозолчиња

Сомелете 15 зрна грозје, па кашата нанесете ја на проблематична или мрсна кожа. Оставете да делува 15-на минути. Ензимите од грозјето делуваат антибактериски и ги смируваат воспалителните процеси на кожата.

Тоник од грозје

За освежување на тенот најдобар е свеж тоник од бело грозје. Излупете 100 грама грозје и изматете ги во блендер или соковник. Овој витамински тоник истовремено чисти и ја зацврстува кожата. По десет минути исплакнете со млака вода.

Купка за опуштање

Нервозни сте и уморни? Искапете се во вино! Во када полна со топла вода додајте едно литро ефтино црно, или бело вино и три лажици масло од семки од грозје. Лежете во оваа купка околу 30 минути. Витамините А, Б, Ц и Е ќе ја активираат размената на материи и ќе ја поттикнат циркулацијата, а кожата ќе ви стане мазна и хидрирана.

Бидете фит

Се чувствувате безволно и немате сила? Тогаш на блендер изматете 150 грама грозје, една банана и 100 милилитри сок од портокал. Шеќерот од грозјето, магнезиумот и витаминот Ц се вистински енергетски бомби за цел ден, а витаминот Б ја подобрува концентрацијата.

Ако сте под стрес, а нервите ви се напнати, изедете неколку зрна грозје или испијте чаша сок од грозје. Тоа е ефтин и ефикасен напиток против стрес, но немојте да претерувате затоа што сокот содрши и многу шеќер.

Би можело да ве интересира:

3 едноставни вежби за лимфна дренажа Вежбите за лимфна дренажа можат да помогнат во намалување на отоците кои настану...

Што е атаксија-телангиектазија, болеста со којашто се бори нашиот херој Кико? Атаксија-телангиектазија е ретка наследна болест која се карактеризира со слаба ...

Кои проблеми со здравјето предизвикуваат отекување на нозете и стапалата? Длабоката венска тромбоза, но и проблемите со срцето можат да предизвикаат отоци...

Како да го намалите крвниот притисок и какви компликации предизвикува ако не го контролирате? Не можете инстантно да го намалите крвниот притисок без помош од лекар. Но, може...

Симптоми кои се јасен знак дека треба да го однесете детето на очен лекар Го покрива едното око, го држи телефонот премногу близу до лицето или многу чест...

Работи што треба да ги знаете за хемороидите, а за кои се срамите да прашате Помалите хемороиди поминуваат сами од себе за неколку дена, а можат да се јават ...