Дневен хороскоп

Скорпија Скорпија
 23.10-21.11

Дневен хороскоп за Скорпија - сабота, 13 август 2022

Ќе сакате малку да се дистанцирате од скорешните случувања. Одлуките кои ќе ги донесете треба да бидат објективни и продуктивни за иднината. Дајте си време. Во добра форма сте, искористете го тоа за да се посветите на себеси. На љубовно поле поставувате премногу прашања. Уживајте во сегашниот момент наместо да сте во потрага по нешто повеќе.

Неделен хороскоп

Скорпија Скорпија
 23.10-21.11

Љубов Работа Здравје
5 4 4

8 до 14 август 2022

Љубов: Состојбата во вашата врска засега е задоволителна. Сѐ додека не сте подготвени да се соочите со одредени проблеми, па дури и да ги решите, не можете да очекувате партнерот да биде задоволен. Слободните припадници на знакот се повеќе склони кон дружење и комуникација. Некои нови познанства би можеле да прераснат во посериозни контакти.

Работа: Времето на важни одлуки сѐ уште не е зад вас. Колку што ви се чини дека постојаното менување е тешко за вас, исто така се чини дека самите го предизвикувате. Дали вашето незадоволство од стариот живот е проектирано или реално, треба сами да одлучите. Но, имајте на ум дека само така ќе знаете кон што навистина се стремите.

Здравје: Внесете рамнотежа во вашиот емоционален, ментален и физички живот. Бидете активни, намалете ги лошите навики, движете се повеќе, вежбајте.

Совет: Прошетајте пред спиење за подобар сон.

Месечен хороскоп

Скорпија Скорпија
 23.10-21.11

август 2022

Работа: На самиот почеток на август ќе добиете нови задачи и големи обврски, можеби и подобро работно место каде што ќе треба да се докажувате. Уште на почетокот ќе се соочите со сериозни потешкотии бидејќи ќе мора да користите опрема која е застарена, а нема да имате средства за набавка на нова. Ќе ги подобрите односите за соработка и ќе бидете подобро организирани. Вашите претпоставени ќе ви доверат поодговорни задачи и поголема доверба, а од вас ќе се очекува да го оправдате тоа. Ќе се соочите со сериозни предизвици на полето на публицитетот и на полето на партнерството. Невработените Скорпии ќе добијат поволни можности за вработување во областа на финансиите, образованието, информациите и медиумите, издаваштвото и дизајнот.

Љубов: На оние што се во врска, првата половина на август ќе им донесе ненадејни несогласувања со саканата личност поврзани со заедничките цели. Во третата декада од август доаѓа помирувањето. Доколку сте слободни, една личност ќе се заинтересира за вас и ќе се обидете да се сретнете за подобро да се запознаете, но тоа во последен момент би можело да се изјалови. Во втората половина од месецот, следува неочекувана средба со личност која ќе ја запознаете преку пријател и со која ќе има заемна привлечност и возбудлива авантура. Постарите Скорпии ќе бидат неодлучни и склони кон избрзани одлуки при изборот на потенцијален партнер во врската. Ќе влезете во авантура, за нагло да ја прекинете и веднаш ќе се обидете со друга личност.

Здравје: Во текот на август ќе бидете во одлична состојба и вашето здравје ќе биде стабилно. Ќе почувствувате потреба повеќе да се движите, да бидете физички активни и да се занимавате со некои спортски или рекреативни активности. Можни се и стомачни проблеми, како и променлив крвен притисок. Втората половина на август ви носи постабилно здравје.

Годишен хороскоп

Скорпија Скорпија
 23.10-21.11

2022

2022 за Скорпиите носи нова енергија, многу повеќе отколку минатата, се очекуваат многу дружби со саканите, патувања, како и прибирање на заслугите од изминатиот труд.

Во текот на пролетните месеци, Скорпиите ќе заблескаат на професионално поле, а периодот ќе биде поволен за новитети во кариерата - инвестиции, нов бизнис или промена на работата.

Комуникациските способности на родените во овој знак ќе бидат засилени, а со тоа оваа година нема да поминат незабележано и постојано ќе бидат во центарот на вниманието.

Летниот период пак е најдобар за Скорпиите да поработат на односот со саканите, а есента и крајот на годината ќе биде исполнет со моменти на радост, а посебно среќата ќе им се насмевне на слободните.  

Работа и финансии

Во 2022 се очекува да ги соберете сите признанија, но и финансиски заслуги за она што го работите.

Дополнителни хонорари и бонуси се на агендата за наредните 12 месеци, па не се двоумете дали вложувањето во себе и работата е исплатливо – дефинитивно ќе биде, прифаќајте работни ангажмани.

Доколку Скорпиите сакаат да побараат покачување  на платата или унапредување, најповолен период ќе биде јуни, кога моќите на убедување ќе ви бидат најсилни.

Финансиската состојба ќе го доживее својот пик по месец септември, кога повеќе нема да се грижите дали ќе споите крај со крај.

2022 ќе биде годината кога Скорпиите ќе заблескаат со својата амбициозност и забрзано ќе ги остваруваат своите професионални цели.

Во текот на оваа година се препорачува да работите сами посебно ако станува збор за некои приватни бизниси и инвестиции, без да мешате други луѓе, бидејќи ќе дојде до конфликти.

Ова е времето кога ќе покажете за што сте способни и што можете да направите. Подгответе се за чекор нагоре по скалата на успехот.

Љубов

Ако работите не се одвиваа баш во најдобар ред во изминатите години, во 2022 Скорпиите ќе си го вратат ентузијазмот, расположението за љубов ќе им биде значително подобрено, а ќе зрачат со самодоверба.

Ретроградниот Меркур од 10-ти мај може да создаде благи проблеми во комуникацијата со саканите, навраќање на нешто од минатото, недоразбирања со децата и слични препреки кои ќе треба да ги надминете.

Покрај тензичните ситуации, Скорпиите ќе доживеат експлозивен љубовен живот и незаборавни моменти со партнерот во текот на овие 12 месеци.

Важно е да не заборавите да ги земате предвид желбите и барањата на партнерот за да го одржите балансот во врската.

Слободните Скорпии ќе сакаат авантури, но нема да одат во крајности. Се очекува да ја најдат својата сродна душа преку некои познаници или блиски пријатели.

Дури и она што ќе ви личи на љубовна игра, на крај ќе се претвори во прекрасна љубовна приказна.

Здравје

Во 2022 се препорачува да  бидете повнимателни со исхраната, а се очекува да имате многу повеќе енергија и желба за спортување.

Ова ќе ви го забрза метаболизмот и ќе ви овозможи да го одржувате здравјето до крајот на годината.

Генерално здравствената состојба се очекува да ви биде добра, но обрнете внимание на блокади предизвикани од емоционална природа.

  • Horoskop-Oven
  • Horoskop-Bik
  • Horoskop-Bliznaci
  • Horoskop-Rak
  • Horoskop-Lav
  • Horoskop-Devica
  • Horoskop-Vaga
  • Horoskop-Skorpija
  • Horoskop-Strelec
  • Horoskop-Jarec
  • Horoskop-Vodolija
  • Horoskop-Ribi

Бонус хороскоп

Најчитани неделава

sonovnik-sidebar.jpg