Хороскоп за Бик


Дневен хороскоп

Бик Бик
 20.04-20.05

Дневен хороскоп за Бик - сабота, 15 мај 2021

Денес е добро да остварите некакви контакти, а пожелно е да го проширите кругот на познанства. Ќе ги израмните односите со некој со кого ви биле заладени и ќе свртите нова страна. Не можете да одолеете на предизвици на љубовно поле. Ако сте слободни многу лесно ќе паднете на некого во опкружувањето.

Неделен хороскоп

Бик Бик
 20.04-20.05

Љубов Работа Здравје
5 4 4

10 до 16 мај 2021

Љубов: Имате потреба од стабилност. Во овој период ќе го покажете вистинското лице како хедонист, па ќе бидете склони кон разни љубовни уживања. Слободните Бикови ќе бидат во искушение да ги прифатат примамливите понуди, но нема да брзаат како порано.

Работа: Биковите навлегуваат во позитивен деловен период кој укажува на општ напредок. Оние чија работа е поврзана со финансии, туризам или спорт, може да очекуваат извесно напредување, но со максимално ангажирање. Кон крајот од неделата ве очекува прилив на пари кои ви се неопходни сега.

Здравје: Добро се чувствувате, стабилни сте и здрави, подготвени сте да одговорите на сите предизвици. Забавете го животниот ритам и балансирајте ги активностите. Одредете си време за опуштање и забава.

Совет: Бидете трпеливи.

Месечен хороскоп

Бик Бик
 20.04-20.05

мај 2021

Работа: Кога е во прашање кариерата, ви се советува да забавите малку и правилно да се организирате, во спротивно нема да постигнете сѐ што сте зацртале. Многу работи кои сега ги правите делуваат неисплатливо и затоа треба добро да размислите кои се вашите цели во кариерата. Можеби сте отишле во друга насока и сте си задале премногу задачи кои нема да ви донесат материјална сигурност во иднина или нема да ви помогнат да ги остварите своите лични цели. Ако сте невработени, на повидок се деловни понуди кои се поврзани со странство. Ѕвездите ќе ве поддржат ако го смените местото на живеење. Ако се занимавате со административна работа или со банкарство, ве очекува успех во поглед на зголемување на платата.

Љубов: Биковите кои се во врска во мај ги очекува убав период за планирање на големи цели со партнерот, па можно е да се одлучите да купите нова недвижнина, да се преселите и да го проширите семејството. Што и да е во прашање, ѕвездите ќе ве поддржат и за кратко време ќе исполните сѐ што сте сакале. Избегнувајте непотребни кавги со партнерот. Кога имате лош ден, осамете се или прошетајте во природа. Негативната енергија можете да ја отстраните со тренинг или со друга физичка активност затоа што партнерот нема многу разбирање за брзите промени на расположението. Искористете го мај за да ги обновите старите пријателства, овој месец ви се враќаат во животот луѓе од минатото. Слободните Бикови може да запознаат зафатена личност со која ќе остварат таен однос. Сепак, ваквиот вид на врска може неповолно да влијае на вас.

Здравје: Главно ќе бидете со добро здравје во текот на мај. Кон средината на месецот треба да бидете внимателни да не настинете ако повеќе време поминувате во природа и ако временските услови бидат променливи. Ќе ви биде чувствителен урогениталниот тракт. Во третата декада ќе ви бидат чувствителни зглобовите, особено на промена на времето.

Годишен хороскоп

Бик Бик
 20.04-20.05

2021

За родените во знакот на Бик, 2021 година ќе биде среќна година и ќе биде одбележана со промени на љубовно и професионално поле.

Февруари, април и мај ќе бидат најдобри месеци за Биковите да истражуваат нови места и да стекнат колку што е можно повеќе знаење од разни области на интерес.

Биковите се заљубени во музика и уметност, комуникативни се и друштвени и имаат одлична смисла за хумор, во нив царува романтика, но и тврдоглавост, а во 2021 ќе дојде до промени во нивниот живот.

Ќе биде зголемена потребата за љубов и внимание, можни се нови професионални можности, ќе имаат добар ментор и еден ден може да го достигнат посакуваното ниво за да си отворат свој бизнис.

 

Финансии и работа

Венера е планетата која владее со вашиот знак, а ќе се задржи во финансискиот сектор од април до почетокот на август. Овој период е посебно нагласен како потенцијален за промени во финансискиот статус.

Преговорите ќе се одвиваат додека не потпишете важен договор или додека не се донесе важна одлука, а тоа може да се оствари околу јуни.

Крајот на годината може уште повеќе да ви се посреќни со нов „финансиски шприц“ кој ќе ве подбутне полесно да ја завршите 2021 година и да ја започнете новата.

На професионално поле ќе наидете на повеќе пречки кои ќе бидат непожелни за вашите нерви, но клучно е да останете упорни и да го барате она што мислите дека го заслужувате.

Можно е да ја промените професијата, бидејќи моменталната повеќе не буди ништо во вас, освен монотона рутина која не ви годи.

На почетокот на годината ќе се остварат промените кај повеќето Бикови, а од 3 февруари до 21 март важно е да вложите повеќе труд на ова поле. Ова е периодот кога се очекува да се оствари напредување или промена на работата.

Повеќе промени во работниот живот се очекуваат во периодот јуни/јули.

Во последните месеци од годината ќе мора да покажете сериозност и да не го мешате приватниот со професионалниот живот.

 

Љубов

Биковите кои се во врска, ќе го гледаат партнерот од нов агол во 2021, а врската ќе се освежи целосно и кај повеќето ќе дојде до стапување во брак. Жените во знакот на Бик ќе донесат дете на светот.

Слободните Бикови ќе ја имаат среќата на своја страна и ќе имаат шанса да ја пронајдат сродната душа. За таа цел, не се затворајте во себе и не го поминувајте целото време сами дома.

2021 ќе биде година на подобрување на љубовниот живот, посебно кај оние кои се во врска на далечина. Ќе дојде до зближување и соединување.

Се забележува раст на ова поле, посебно во август и септември, а во мај може да започне процесот на промени.

Уште од почетокот на годината Биковите ќе ги облее чувство на љубовно задоволство и расположение кое ќе се отсликува на овој сектор.

Следете го внатрешниот глас и срцето, но не дозволувајте „љубовни уцени“ и не го заборавајте разумот во клучни моменти.

Мажите родени во знакот на Бик ќе бидат заштитнички поставени и целосно посветени на исполнување на желбите на партнерката и нејзиното добро. На моменти премногу фантазирате, но вашата партнерка ќе ве спушта на земја. Имате можност слободно да се изразувате.

Жените пак кои се родени во знакот на Бик, на почетокот може да почувствуваат монотонија, но набрзо нешто ќе им ги обнови страстите.

 

Здравје

Во текот на годината можни се повремени главоболки, иритација на дишните патишта или вирусни инфекции, нема ништо сериозно и вредно за грижи, но важно е да правите редовни контроли, како и да ги преземете сите потребни мерки за заштита.

Биковите ќе мора да обрнат повеќе внимание на она што ќе го внесуваат во себе во текот на 2021. Сериозно пристапете кон проблемот со зголемено консумирање на алкохол и лекови, доколку сте претерале, можно е да бидете склони кон инфекции и ослабнат имунитет.

Слатките задоволства ќе ве носат во искушенија, но кон пролетните месеци можно е да го ставите во ред начинот на исхрана.

  • Horoskop-Oven
  • Horoskop-Bik
  • Horoskop-Bliznaci
  • Horoskop-Rak
  • Horoskop-Lav
  • Horoskop-Devica
  • Horoskop-Vaga
  • Horoskop-Skorpija
  • Horoskop-Strelec
  • Horoskop-Jarec
  • Horoskop-Vodolija
  • Horoskop-Ribi

Бонус хороскоп

Најчитани неделава

sonovnik-sidebar.jpg

Најнови игри