Хороскоп за Риби


Дневен хороскоп

Риби Риби
 19.02-20.03

Дневен хороскоп за Риби - сабота, 15 мај 2021

Вашето време ќе го посветите само на оние кои вистински го заслужуваат тоа и почнувате повеќе да се цените себеси. Ќе добиете добри вести од некој близок. Бидете трпеливи, набрзо ќе ви се оствари некој сон. На љубовно поле компромисот е најдобро решение за проблемот кој моментално тлее. Решете ги сите недоразбирања поврзани со домаќинството.

Неделен хороскоп

Риби Риби
 19.02-20.03

Љубов Работа Здравје
5 4 4

10 до 16 мај 2021

Љубов: Немојте да експериментирате во љубовта и проверете дали сѐ добро сте кажале. Личноста која ви се допаѓа има исти чувства кон вас. Некој очекува да се сетите на важен датум. Слободните Риби имаат чувство дека од сѐ им е доста и сакаат малку да се одморат.

Работа: Големиот ангажман во изминатиот период најпосле ќе ви се исплати, пред сѐ со подобрување на материјалната состојба. Обрнете внимание на некои трачеви на работното место. Ако преземете вистински чекори, ќе ги спречите судирите на работа. Некој од членовите на семејството очекува финансиска поддршка.

Здравје: Искажете ја љубовта кон себе со нега и уживање, масажа, фризер, сауна. Малку луксуз, многу ќе ја подигне вашата самодоверба и ќе ви го донесе неопходното опуштање на вашите нерви и тело.

Совет: Не дозволувајте ситниците да ве извадат од такт.

Месечен хороскоп

Риби Риби
 19.02-20.03

мај 2021

Работа: Што се однесува за деловното поле, важно е да го следите она кон што тежнеете и да останете фокусирани. Често го губите фокусот и се чини дека сте преморени. Издвојте време за себе и опуштете се во деновите кога не работите. Релаксирајте се, отидете во природа, поминете повеќе време со драги луѓе. Важно е кога сте дома да не мислите многу за работата и да не го носите стресот дома. Можно е унапредување на деловно поле за сите оние кои се занимаваат со административна или информативна работа. Штедете ги парите, можни се непредвидени трошоци. Невработените Риби ќе имаат шанси да започнат сопствен бизнис, како и да се вработат во областа на менаџментот, забавата, просветата, комуникациите и трговијата. Вашите стручни способности ќе се бараат.

Љубов: Мај на Рибите им носи благосостојба на љубовно поле и конечно ќе можете да се опуштите и да уживате во времето кое го поминувате со партнерот. Несогласувања ќе има сѐ помалку и се чини дека имате многу повеќе време за размислување и толеранција. Имајте на ум дека со отворена комуникација можете да одржите добар однос и да го направите поквалитетен. Потребно е повеќе труд од двете страни за сѐ добро да функционира и да бидете расположени. Семејните односи не се стабилни во мај и може да има кавги околу финансиите со помладите членови на семејството. Сепак, тоа се проблеми кои ќе поминат и треба да ги решите во дадениот момент, а не да чекате да се натрупаат. Слободните Риби имаат прилика да склопат нови познанства и да уживаат во дружењето, но сега не е време за сериозна врска.

Здравје: На почетокот на мај треба повеќе да се одмарате и да избегнувате претерани физички напори. Ќе ви бидат чувствителни зглобовите и грбот, па ќе имате и болки. Бргу ќе се изморувате и ќе бидете чувствителни на промените на време. Во втората половина од мај ќе се чувствувате подобро и отпорноста на вашиот организам ќе биде поголема. Повеќе движете се.

Годишен хороскоп

Риби Риби
 19.02-20.03

2021

2021 година ќе биде динамична и среќна и за последниот знак во хороскопот, годината ќе биде полна со настани и случувања за Рибите.

Оние кои се родени во знакот на Риби ќе заработат лесни пари во ноември и декември, а и месеците март и април ќе им бидат среќни.

Втората половина на декември ќе биде комплексна, но и полна со сентименталност, а многумина ќе си ја пронајдат љубовта.

Вашиот отворен ум ќе привлекува многу нови можности, а комуникацијата ќе ви биде силна страна.

И покрај сите промени кои ги предвидува хороскопот, ќе имате прекрасна година, но мора да си останете искрени кон себеси и да следите некои идеи и цели.

 

Финансии и работа

На поле финансии од почетокот на годината ќе се покаже подобрување и ќе ви бидат понудени разни понуди и можности кои ќе влијаат позитивно на финансиски аспект.

Понекогаш можеби ќе чувствувате дека некои активности повеќе ви земаат отколку што враќаат финансии, но бидете трпеливи. Ќе си ги добиете своите финансиски заслуги во летниот период.

2021 ќе биде предизвикувачка на професионално поле за Рибите, со тоа што ќе добиете многу понуди да се развивате и да учите нови работи.

Ќе имате можност да ја промените сегашната работа за подобро платена, а многу од вас ќе сакаат да бидат „сами свои газди“ па ќе се фокусираат на поголема слобода во ова поле.

Некои Риби можеби ќе продолжат да работат во истата компанија, но сосема ќе го променат начинот на работа – можеби ќе продолжат од дома или ќе го задржат тоа како хонорарна работа.

Март и јуни ви носат нови шанси.

 

Љубов

Нови искуства и авантури ве очекуваат во љубовниот живот во текот на 2021 и ќе доживеете моменти како никогаш претходно.

Ќе имате шанса да се покажете во вистинско светло пред партнерот и да се чувствувате како едно, без да имате потреба да ставате маска на себе.

На површина ќе испливаат чувствата, а 2021 ќе биде одлична за стапување во брак кај некои Риби.

Ова е возбудлива година и за слободните Риби кои ќе запознаат нова љубов или старото пријателство ќе им премине во љубов.

Ќе се интересирате и за луѓе кои се со различна култура, кои потекнуваат од други земји и можни се врски на далечина.

Рибите кои се заглавени во минатото, кон средината на 2021 ќе го отпуштат товарот од старите врски и ќе го остават зад себе, а октомври ќе ви донесе нови љубовни можности.

 

Здравје

Можни се некои бронхијални проблеми во текот на август и септември, а оние кои страдаат од сезонска алергија да бидат посебно внимателни со проблеми со дишните патишта.

Во главно вашето здравје ќе биде добро, но постои можност да треба да се грижите за некој ваш близок. Нема простор за паника, само треба да бидете повеќе посветени на блиските и да им помагате.

Исхраната на Рибите во 2021 треба да биде богата со железо и протеини, доколку вашиот организам добро реагира на нив, па пожелно е да воведете некој режим кој ќе ви одговара.  

  • Horoskop-Oven
  • Horoskop-Bik
  • Horoskop-Bliznaci
  • Horoskop-Rak
  • Horoskop-Lav
  • Horoskop-Devica
  • Horoskop-Vaga
  • Horoskop-Skorpija
  • Horoskop-Strelec
  • Horoskop-Jarec
  • Horoskop-Vodolija
  • Horoskop-Ribi

Бонус хороскоп

Најчитани неделава

sonovnik-sidebar.jpg

Најнови игри