Хороскоп за Лав


Дневен хороскоп

Лав Лав
 23.07-22.08

Дневен хороскоп за Лав - сабота, 15 мај 2021

Ќе имате многу планови како да го поминете денот, обидете се да реализирате барем еден, бидејќи сте склони кон зборување во празно. Може да ве обземе чувство на замор. Начинот на живот кој го водите е главниот виновник. На љубовно поле не се плашете од развојот на настаните и промените.

Неделен хороскоп

Лав Лав
 23.07-22.08

Љубов Работа Здравје
5 4 4

10 до 16 мај 2021

Љубов: Ова е мирен период за Лавовите кои се во брак, само ако не ѝ подлегнат на желбата за авантура. Слободните Лавови ги очекуваат бројни искушенија, нови предизвици, а истовремено ќе се појават и личности од минатото. Бидете смирени и не се враќајте на старо.

Работа: На почетокот од неделата ќе добиете нови деловни понуди, но нема да можете веднаш да ги реализирате. Особено внимание обрнете на вестите од странство. Не сте личност која сака да чека, но сега кога финансиите се во прашање, треба да бидете посмирени. Поради неочекувани трошоци ќе бидете нервозни.

Здравје: Имате многу енергија и тоа ви носи нервоза, главоболка, варирање на притисокот. Пронајдете вентил преку зголемена физичка активност, спорт и движење во природа.

Совет: Добро распоредете ги парите.

Месечен хороскоп

Лав Лав
 23.07-22.08

мај 2021

Работа: На деловно поле сѐ тече добро. Имате многу обврски, но и понатаму успевате добро да се организирате. Задоволни сте со своите деловни успеси и имате желба да продолжите да се трудите за да го достигнете посакуваниот успех. Од сѐ, најважно ви е во меѓувреме да се одмарате и да ги наполните батериите бидејќи во мај ќе работите повеќе од вообичаено. Овој месец финансиите ви се стабилни, па во тој поглед ќе можете да се опуштите и малку повеќе да уживате. Дозволете си нешто што подолго време го посакувате и прославете ги успесите. Невработените Лавови ќе имаат можност да се вработат во областа на телекомуникациите, сообраќајот, инженерството и ИТ индустријата. Ќе се бара вашата ефикасност во завршување на задачите.

Љубов: За Лавовите мај е месец на убави љубовни случувања. Полни сте со енергија и ќе имате волја да организирате случувања за пријателите и семејството и повеќе време да поминувате со партнерот. Исполнети сте и среќни, едвај чекате да ги направите среќни блиските. Зрачите со позитивна енергија и топлина, токму тоа ви носи позитивни случувања во вашиот живот. Стабилни сте и мирни и верувате во себе и во своите одлуки. Можни се патувања во мај со партнерот, па искористете го времето за краток одмор. Слободните Лавови имаат желба да стабилизираат една врска и од неа да направат нешто сериозно, но работите не одат според планот. Некои работи не можете со сила да ги протуркате. Најдобро ќе биде да ја почекате вистинската личност која во вас ќе ги разбуди емоциите.

Здравје: Треба повеќе да се одмарате и да практикувате секојдневни рекреативни физички активности. Чувствителен ви е горниот дел на грбот и може да чувствувате болки и вкочанетост. Вежбите за рбетниот столб и масажата на вратот ќе ви помогнат да бидете подобро. Во втората половина од мај здравјето ќе ви биде стабилно.

Годишен хороскоп

Лав Лав
 23.07-22.08

2021

За Лавовите, 2021 ќе биде година на овие проекти, можности и проширување на хоризонтите, но и длабоки промени на љубовно и лично поле..

„Бизнис сетилото“ ќе ви биде многу изострено и ќе знаете како да ја искористите секоја прилика како своја предност.

Ќе бидете многу трпеливи и ќе знаете каде и кога да притиснете, ќе бидете фокусирани на сите аспекти, и на приватниот и на професионалниот, ќе покажете голема одговорност.

Во месеците март и април, Лавовите ќе бидат исклучително креативни, оригинални и насочени кон нови откритија.

Оние кои работат во доменот на истражувања ќе постигнат неочекувано добри резултати, а ќе може да се потпрете и на вашата интуиција.

 

Финансии и работа

Ќе имате повеќе шанси да си ги зголемите приходите во текот на годината, треба добро да планирате што повеќе ви се исплати, да размислувате стратешки и среќата ќе ви се насмевне на ова поле.

Парите нема да ви паднат од небо ниту на лотарија, ќе си ги заработите со многу труд и работа. Иако нема да имате проблеми со скратен буџет, сепак ќе мора добро да ги менаџирате финансиите и трошоците.

Септември и октомври се најдобри месеци кога станува збор за финансиски аспект, а работата во партнерство може да ви помогне да си ја подобрите финансиската состојба.

Нема да имате потреба од други драстични промени во работата или кариерата, но ќе мора да покажете поголема сериозност и професионалност со новите ангажмани.

Мажите Лавови ќе бидат посклони кон преземање ризици, но внимавајте да не ви стане навика па да престанете да ги пресметувате последиците и да се соочите со непријатни изненадувања.

Втората половина од годината ќе биде подобра од првата. Во 2021 ќе имате можност да станете лидер на работа и да добиете унапредување кое ќе ви заработи сочен бонус на крајот од годината.

 

Љубов

Голем дел од Лавовите ќе влезат во необична љубовна фаза со многу нејаснотии која ќе трае малку подолго.

Ова ќе биде голем предизвик кој може целосно да ви го промени погледот на љубовта, гледањето на самите себе и себе-вреднувањето, но и за тоа како сакате да го поминувате слободното време.

Жените Лавови посебно ќе сакаат да надоместат за изгубеното време, па ќе се фокусираат на насочување на животот кон поголемо искористување на секој момент и квалитетно поминато време.

Ако сте во врска ќе мора да го поминете тестот на сериозност и издржливост во некој период од годината.

Доколку сте истрајни, врската може да претрпи промени кои кај повеќето може да влијаат позитивно, а останатите ќе сфатат дека не биле со вистинската личност.

За оние кои успешно ќе го поминат тест периодот дотогаш, август и септември се идеални за брак.

За слободните Лавови не може да се каже дека 2021 ќе започне со посебно идилична и романтична атмосфера на љубовно поле.

Во првите месеци од годината ќе постои личност која ќе влијае на вашиот приватен живот, но ова ќе биде период кога ќе се поврзувате со различни личности, ќе бидете вклучени во разни друштвени активности и може да станете дел од нов тим, па нема многу сериозно да гледате на љубовната авантура.

Процутување на љубовниот живот може да се случи дури околу јуни и јули, во тој период многу слободни Лавови ќе имаат можност да заблескаат покрај некоја важна личност.

 

Здравје

Здравјето на Лавовите може да биде поранливо во периодот до октомври, па тоа ќе биде причина да бидете повнимателни и да се стремите кон превенција на здравствени проблеми, но не и причина за паника и грижа.

Добро е да се фокусирате целосно на себе и однатре да почнете да ги правите промените, почнувајќи со здрави навики и здрав начин на живот.

Генерално добро ќе се чувствувате, но промените кои ќе ги направите ќе создадат уште поголема добросостојба и спокој кој ви е и повеќе од потребен со оглед на стресните ситуации.

  • Horoskop-Oven
  • Horoskop-Bik
  • Horoskop-Bliznaci
  • Horoskop-Rak
  • Horoskop-Lav
  • Horoskop-Devica
  • Horoskop-Vaga
  • Horoskop-Skorpija
  • Horoskop-Strelec
  • Horoskop-Jarec
  • Horoskop-Vodolija
  • Horoskop-Ribi

Бонус хороскоп

Најчитани неделава

sonovnik-sidebar.jpg

Најнови игри